現在, 連太古城的城友也一樣可以重拾兒時的味道, 因為Wheatfield X在太古開了分店.
我問負責人Dominic:「中環以地鐵車箱設計裝修, 分店呢?」, Dominic:「今次以家庭式為主, 因為我都係城友, 所以希望畀到大家親切嘅感覺」
今次, 太古店有新意思, 就是加入了烏冬給大家選擇, SY:「嘩! 我最鍾意烏冬...爸爸...我要蝦多士($22)」
上次由抗拒, 到一口一口的KO了整碟蝦多士, 想不到這小朋友還有印象...果然, 當年香港的味道十分吸引.
阿太第一次試這裡的蝦多士, 咬一口便已經雙眼發光:「嘩! 好食喎, 煎得夠香, 又唔油, 又蝦又菜, D蝦仲打得好正添」
大約5分鐘, 海派牛腩羅宋湯配烏冬 ($58)登場啦...SY及我也忍不住先喝一口又香又濃又好味的羅宋湯.
阿太又伸出匙羹呷一口:「睇吓係咪真係咁好味....嘩! 真係正喎, 又多菜, 又唔酸, 又夠濃身, 真係十足以前細個飲嘅味道...」
之後我們點了另一碗海派豬骨羅宋湯 配 牛油餐包 ($58), 我和SY上次也沒有試過用豬骨淆出來的羅宋湯.
我知道這款豬骨 羅宋湯 是Andrew 為了不吃牛的人特別用心機, 時間, 反覆鑽研, 才得到父親, 葉葆仁師傅的認同, 並放入菜單中.
SY:「爸爸...原來, 豬骨係淡味過牛喎」, 阿太:「係喎, 無牛咁濃, 而且質地都無咁杰身」
濃味怪SY:「我鍾意用牛送烏冬多D」, 我其實也覺得傳統牛腩更勝豬肉, 但對不吃牛的朋友來說, 能喝到羅宋湯, 也算是一碗很好的選擇.
阿太:「我最鍾意食牛脷...香煎牛脷粒($22), 好得意...我好似有食緊午餐肉咁嘅感覺, 鹹鹹地, 好好食」
大廚Andrew忙到不得了, 也被我拉過來訪問一下....(7個月就已經開分店, 感覺如何?)
Andrew:「一切仲好似發緊夢咁!!」(我:遲D會唔會再加D新元素?)
Dominic:「等Andrew 同 仁師傅回一回氣之後, 我哋應該會加入海派飯類, 例如, 俄國牛柳絲飯, 雞皇飯...」
閒談當中, 我竟然發現Andrew 也是Bearbrick粉絲...找到知音人我非常興奮:「原來, 你都係Bearbrick之友?」
Andrew:「我會放招財貓係收銀位, E隻Batman係我啱啱賣, 都未得閒開呀」(Dominic說笑: 阿仁, 佢係傻佬之友先真呀! )
全無味精, 超好味, 又滿載回憶的羅宋湯, Dominic幾時開返一間分店係九龍呀?
相關網誌:
【DO~DO~DO~請在車廂內飲食】童年回憶的「海派」羅宋湯味道返晒嚟Wheatfield X 羅宋湯專門店
地址: 太古太古城道26號漢宮閣地舖
電話: 28950028
大仁生活facebook
沒有留言:
張貼留言