話說, 7個月前...白布街日日出現人龍, 因為I love you Dessert BAR 開創了$29蚊街坊價賣高質梳乎厘班戟.
好味食物一定有回報的, 街坊梳乎厘班戟店今日開分店啦!! 衝出九龍...闖入銅鑼灣的文青小食街.
我問大廚Perry :「銅鑼灣店同旺角店有咩分別呀?」, Perry:「旺角就以生果做配搭, E度就係食整體嘅」
今日吃的是Perry耗了最多時間, 左試右試才找出完美組合的「麻油蛋糕+開心果忌廉配綠茶梳乎厘班戟+雪糕」 $54
我:「麻油? 出前一丁? 鹹嘅甜品?」, Perry:「你試咗先啦...麻油係無味嘅, 但係個味道真係好夾開心果同綠茶」
原來, 綠茶梳乎厘班戟真係灑足半壺宇治抹茶粉入蛋醬, 單單看到已經流口水.
準備開始焗製的梳乎厘班戟, 已經傳來陣陣香味.
SY:「嘩!! 我好想食呀! 爸爸...你影完未呀! 個雪糕溶啦」這位小朋友每次食雪糕前, 總會問我相同問題.
我:「真係好正喎...原來麻油味嘅蛋糕味道咁得意...真係好似食緊出前一丁」
SY:「我鍾意用綠茶班戟點開心果忌廉...」, 我:「話明綠茶班戟就梗係點綠茶雪糕啦...超正, 好食...無得頂」
之後是Perry送給SY吃的「蓮蓉馬卡龍+流心奶皇梳乎厘班戟 +豆腐雪糕」$56
我:「咁咪即係月餅班戟?」,馬卡龍殺手一口已KO了蓮蓉馬卡龍:「爸爸!真係月餅嚟架」
急不及待的SY又一口搶吃了個豆腐雪糕, SY說:「真係好豆腐花呀...好似我睇緊燦爛的外母入面豆腐花廠咁呀!」(中TVB毒太深的小朋友)
阿太:「我鍾意個流心奶皇梳乎厘班戟, 因為有少少鹹蛋皇, 我最鍾意鹹蛋皇」
其實, 我對傳統, 及奶皇月餅也麻麻地, 不過Perry說:「我以前係九龍酒店做, 每年7月開始就係做奶皇月餅, 所以, 我好想將個做法放入自己D甜品入面」(原來係高手!!)
最後來了一盤「泰國菠蘿仔梳打」 $45, 放了半個泰國菠蘿仔入梳打, 酸酸甜甜...SY:「好酸, 好甜, 好正...」
但其實, 他今日竟然對汽水反應不太大, 因為小朋友被小遊戲所吸引...SY:「哎呀! 爸爸! 釣青蛙好好玩」
我們問Perry:「點解特飲會有個釣青蛙機?」,Perry:「其實係釣魚機, 因為特飲個杯係個魚缸, 所以想襯返」
我:「係喎! 真係個魚缸喎, 你唔講我都無留意添...」,Perry:「同埋大家飲嘢都無咁悶, 可以玩吓呀!」
真的有心思!! 今日開始...食街坊梳乎厘班戟不用外賣, 不用齋企...可以堂食啦...而且仲有釣魚機玩添...真係唔錯!唔錯!
相關網誌:
地址: 銅鑼灣希雲街28號希雲大廈地下30號舖
電話: 2612 1699
時間: 星期一至四 15:00 - 00:00
星期五, 六 15:00 - 01:00
星期日 13:00 - 00:00大仁生活facebook
沒有留言:
張貼留言