2017年9月15日 星期五

【集體回憶】抽限定紅A懷舊扭蛋 @ 朗豪坊 美樂士多

一談及紅A, 我會即時想到經典紅A「太空喼」廣告:「跌唔爛、踏唔扁, 可以當凳仔坐, 落雨都唔怕入水」


阿太:「我想去朗豪坊扭紅A扭蛋呀!」, 我:「乜E家紅A出埋扭蛋添呀?」

原來, 美樂士多在朗豪坊開了為期半年的限定店, 而同一時間, 他們又與香港品牌紅A 聯乘推出扭蛋.


SY:「嘩! 媽媽...$30蚊扭一次, 好貴喎」, 阿太:「我用嚟襯我D杯緣子架..快D去換代幣先啦...我要扭個燈罩」


原來, 今次經典扭蛋系列, 只有三款燈罩、漏斗凳及大排檔膠凳仔...我:「都無太空喼嘅?」


代幣一入, 銀鍵一扭, 巨型蛋殼即時應聲而下, 大力打開蛋殼的SY:「哎呀! 抽到漏斗凳咋」


阿太:「漏斗凳都好吖, 我想要2張, 只要唔好係大排檔膠凳就得, 因為我之前係環球執笠清貨, $50買咗5張啦」


我問店員:「其實, 今次D扭蛋限定幾多套架?」, 店員:「實際我又唔知喎, 應該每款都係得百幾粒」


說時遲, 那時快, 阿太:「可以走啦...」, SY:「咁快?」


阿太:「我抽到3個燈罩, 2個漏斗凳, 同一個大排檔膠凳, 攪掂晒可以走啦...(SY:你又話唔要大排檔膠凳?)」


阿太:「咁抽到都無辦法啦...原來, 唔同我屋企個款架...我仲想再抽就真」(吓?? 你抽咗$180蚊啦)


美樂士多(朗豪坊店)
地址: 旺角亞皆老街8號朗豪坊10樓33號舖
電話:9223 8538
時間:11AM - 11PM


大仁生活facebook

沒有留言:

張貼留言