長少灣天悅廣場逛得到, 對面的美居中心反而第一次來...SY:「爸爸! E度係人哋屋企嚟喎...唔好入啦!」
如果, 今天不是為找可愛小西瓜, 我也不知道這屋苑也有不少食肆, 有機會要來慢慢掃街先得.
而我要找的街坊小店, 正正就在屋苑福榮街出口, 對正小學的位置...我:「搵到啦!! 姊妹淘」, SY:「爸爸!人哋個名叫姊妹撈呀!」(Sorry!!)
真的不敢相信, 今時今日的香港, 百物騰貴, 竟然還有良心小店, 以街坊價出售健康又消暑的生果小吃.
我:「嘩! $5 一支小西瓜雪條, 你真係係個西瓜度切出嚟架喎...一個西瓜切唔切到20支呀?」
負責人阿Man:「梗係唔到得, 大約十幾支啦, (15支?), 咁上下, (好甜呀! 你點樣揀到D西瓜咁甜呢?), 你拍吓佢, 夠響嘅就係甜囉」(又偷到師...正!)
小西瓜冰有放了半天, 有剛剛放了一小時, 我和SY也愛剛剛雪起的...我:「可能我無牙...太凍太硬咬唔到....」
阿Man:「不過好多小朋友鍾意雪硬身, 佢哋話鍾意慢慢啜啜喎」($5仲要慢慢啜啜, 真係知慳識儉過我)
同樣是真‧菠蘿冰, 一樣賣$5, 一樣甜...但就較西瓜硬身...阿Man:「我用地門菠蘿, 真係甜架」
而小店另一皇牌便是生果撈 ($4/包 ; $10/3包), 阿Man:「今日最甜係哈蜜瓜喎」
我:「小朋友你想揀咩做撈撈杯個底呀?」SY:「揀涼粉! 我唔鍾意西米太細粒」
今日我們揀了哈蜜瓜, 藍莓, 椰果...
阿Man:「你可以免費揀落朱古力醬, 或者椰醬」, 想也不用想的SY:「朱古力」
我們還多加$2要彩虹朱古力粒粒...一向不吃生果的SY, 不停口的吃, 並說:「好食呀! 姐姐...我好鍾意好多朱古力包住D生果呀!」
我:「你咁叻...諗到咁樣賣生果嘅?」, 阿Man:「因為小朋友通常都唔鍾意食生果, 咁樣撈法, 又或者切成雪條形狀, 佢哋會食多D囉」(真係有愛心, 又有生意頭腦)
最後, 我們更發現另一超抵必食...SY:「爸爸! E度D啫喱, $5蚊一杯咋喎...」
我:「我哋街口要$10一杯喎, 咁鬼抵」(Man: 本來有三色都啫喱, 都係賣$5, 不過賣晒) ~真係三色仲抵喎!
八卦佬臨走前問:「點解舖頭叫姊妹撈呢? 你好鍾意睇姊妹淘?」, 阿Man:「因為E度係我同我家姐開呀!」又平, 又抵, 又好食的人情味街坊小店...一定要支持啦!!
姊妹撈
地址：長沙灣福榮街218號美居中心地下53B舖
時間： 星期一至星期日 12：00-20：00
大仁生活facebook
沒有留言:
張貼留言