【Ultra Hero勁刺激!!】大人狂叫三大Games @ 鹹蛋超人舞台劇

今個8月, 澳門非常熱鬧, 上星期我與Kitty有個約會後, 今日又去見偶像, 超人X, 吉田, 超人迪加, Geed, Orb,七星俠, 超人之母...

時間過得真快, 上次我們在香港機場博覽館欣賞ULTRAHeroes已經是2年前的事.

當年第一次睇鹹蛋超人真人舞台劇, 場面震撼得非常感動, 記得我回家後依然興奮得想喊.

所以, 今次的英雄再現澳門站, 就連SY都說:「嘩! 我好想所有超人出晒嚟打怪獸呀!」

其實, 今次的內容較上次更加豐富, (雖然情節也大同小異), 但高潮位先後出現兩隻大怪獸, 真的估不到.

SY:「爸爸! 其實我鍾意上次機場睇多D, 因為講國語, 我都唔知佢講乜?」, 同行老友魚子媽:「係囉, 如果講返日文出字幕仲睇得投入」

只怪自己當年沒有學好普通話, 我全程只看「身體語言」, 我還問魚子媽:「點解佢不停叫細佬, 細佬呢?」

魚子媽話:「佢係叫超人Zero, 唔係叫細佬呀!」

看完打得落花流水的超人舞台劇, 之後就是逐一玩盡場內5大鹹蛋超人Games...

SY及子子已急不及待離開舞台, 走到遊戲區, 老實說, 小朋友區我覺得一般般, 但大人遊戲則超乎想像的精彩.

反斗銀河充氣區(小朋友區)

今次的遊戲對象主打大人, 6歲以下小朋友, 可能只可以參與其中兩項....1)反斗銀河, 即是一個場場, 包含了彈床, 充氣滑梯, 及波波池.

想不到已經8歲的SY依然玩完再玩, 跳完再跳,  我:「你唔悶咩? 跳足兩節」, SY:「點會悶呀? 有子子陪我跳喎」

每次7個代幣 (15分鐘)

超人極地小火車+玩雪

另一個遊戲「極地東方火車」, 小朋友們還可以坐坐冰雪火車, 圍繞冰雪世界不停轉轉轉, 不過...

小朋友們坐了一個圈便拒絕再玩, 要手執工具在雪地上玩雪, SY:「我想同子子玩雪多D, 架火車行得好慢呀!」

子子:「係囉, SY我哋玩雪仲好啦, 我畀個波波你啦...」兩位小朋友不停手在做光之波波, 忙得不亦樂乎. (我真係唔知道佢哋做咁多粒冰波嚟做乜)

每次5個代幣 (6分鐘)

超人GO KART車場

CrazyGoKart車, 小朋友有小朋友的賽道, 大人則有另一邊的賽區.

小朋友的夜光車身, 賣相一流, 不過因為給小朋友玩的原故, 速度則感覺有點慢. SY:「唔慢架, 好好玩喎」

不過, 當我玩過大人的GoKart車, 簡直即時明白, 飆車如此多Fun, 飄移, 甩尾真的很High.

我:「嘩! 我真係無諗過, 部車可以加速得咁快, 超有速度感, 好好玩呀!」

如果, 可以打通埋小朋友那邊, 有一個更大嘅賽車場就仲正...SY:「咁小朋友咪無得玩囉?」(我講吓啫!)

成人: 每次13個代幣 / 兒童: 每次7個代幣 (10分鐘)
刺激度:★★★★☆ 好玩度:★★★★★

超人競速滑雪道

之後的50米真雪滑雪道, 有小朋友怕太高, 所以又是得我自己一人瀡冰梯.

可能太多同類型的大滑梯, 所以一切也是預之內, 唯一是中段有一個弧度, 可以令整個水泡也彈起, 算一個小小的驚喜.

我對SY:「唔驚架...不過最辛苦係拖個大泡上幾十級樓梯啫!!」

每次5個代幣
刺激度:★★★★☆ 好玩度:★★★★☆

超人極限滾波波

而全場需要等待最長時間, 又最好玩, 又最好嗌的遊一定是人體極限滾球 .

整個人繫在大大充氣球中, 以360度快速滑下40米斜坡, 一個圈, 兩個圈, 三個圈...真心超刺激.

在下面等我的魚子媽:「你知唔知頭先你個大波波衝落嚟我哋度, 我哋嚇到跌低咗呀!」

子子:「我真係跌咗落地喎」, 我:「其實, 我都唔知...突然好似被迫打咗三個大關斗, 有D驚, 但係又好過癮」

每次5個代幣
刺激度:★★★★★ 好玩度:★★★★★

超人Pop-Up-Store

臨走前, 我們走到Pop-Up-Store...SY:「爸爸! 一張張圓形嘅係咩嚟?」, 工作人員說:「抹芒貼有5款, 每款$30蚊」

而最驚喜就是白蓮蓉月餅, 有分超人版, 巴魯坦星版 ($168), 及超人之母($42 單件).

兩位小朋友不知是否玩得太肚餓, 竟然每人KO了一個, 而我則可能享受完太刺激的感覺, 一樣可以一口放了超人之母月餅入肚. (唔乾又夠香, 真係幾好食喎)

SY:「E幾隻怪獸好核突呀!」, 我答:「你知唔知E三隻巴魯坦星人, 每隻都要賣$1680, 限定品嚟呀!」

最後我們7點離場, 走到巴黎人的FoodCourt醫肚, 兩位小朋友一邊行一邊不停發射十字光對付對方...鹹超萬歲!!

Ultra Heroes見面會時間: 每日12:00 / 13:00 / 16:00 / 17:00 / 20:00 (每場30分鐘)

舞臺劇時間 : 1小時20分 (國語) 

星期二至星期四 19:00 (星期五至星期日 加開15:00)

$680 – A區 

$580 – B區 (舞台劇門票已包含遊戲區入場及6個token)

遊樂場時間 星期一至星期四 11:00~21:00 (星期五至星期日延長至22:00) 

奧特曼‧英雄再現 澳門站2017 

地點: 澳門威尼斯人金光會展Hall E 

日期: 2017年8月7日至27日


大仁生活facebook