今日去逛「美食博覽」, 原來真的很累!! 很多朋友問為何不拖車仔...因為, 今次是我第一年來美食展, 沒有想過如此多東西可以買!!
一入場, 日清的檔口已經大排長龍, 原來紅的的福袋剛剛又「返貨」, 阿太:「原來一籃一紅福袋, 紅色送個煮麵煲喎」
出前一丁迷當然不會錯過機會, 13款日清食品+ 煮麵煲 $100, SY口中念念有詞:「如果當$4一包麵, 即係個煲大約唔駛$50」
SY:「爸爸! 算唔算抵呢?」, 我:「如果你好似我咁, 咁鍾意出前一丁就乜硬係抵架啦」
1D -A02 日清
轉一轉位置, 走到益力多的位置, SY:「點解有唐老鴨, 同米妮係個樽度呢?」
原來, 益力多與迪士尼合作, 只限8月份賣特別版乳酪, 唐老鴨是原味, 藍莓味就是米妮. SY:「點解無米奇?」
工作人員:「米奇係西瓜, 不過我哋無, 我哋只有6款唐老鴨, 6款米妮. 因為我哋都係入咗幾千枝, 可能美食展賣晒都無Lu」
SY:「真係仲好飲過益力多呀! 又無乳咁酸」($15一支, 足足可以飲6支益力多喎...好飲係應該啦) 1B - D09 益力多
可能是太肚餓, 所以走到榮華的檔位, 發現有蒸臘腸卷, 二話不說, 即時走去買. ($15)
店員:「我哋只係美食展有得賣, 出面無架, 不過你可買D返屋企蒸, (我:叮得唔得呢?), 無咁好食囉」
我很喜歡臘腸的肥油滲入麵包的感覺, 而中間的臘腸也很不錯, 阿太:「咁你買唔買?」(算啦...我咁懶, 叮又硬, 下次有機會先再嚟食)
1A-E21 榮華香港 Wing Wah HK
再直行一回, 我又嗅得陣陣牛香, 店員大叫:「埋嚟試下新嘢啦...1++韓肉, 由韓國廚師即叫即煎呀!」
我:「嘩!真係有Oppa煎牛扒, 正喎...1++即係日本A幾呢?」(店員: A5呀!)
$60/50g 真的是試食價, 阿太:「我頭先以為好大舊, 原來得7粒」(A5級數喎...)
這份肉眼表層煎得微微脆, 而且肉質超腍, 阿太:「係好有肉味, 不過我食到有D筋囉」
店員:「如果係西冷就更加正, 而且筋會少好多, 你哋可以試下買返屋企自己煎嚟食喎」(最衰我哋只係識食...唔識煮) 1B-D32 京士(香港)有限公司
食完鹹食, SY甜品肚又發作, 他指著斜對面的千層蛋糕說:「我想食! 我想食, 佢話係北海道嚟喎」
本來, 我們想要抹茶味, 但店員說:「抹茶一早已經賣晒, 唔知點解D人咁鍾意」
我們買了原味, SY大啖吃了一口說:「原來, 同元氣壽司一模一樣, (我:咁好食嗎?), 一般囉...」
我:「咁元氣$19, E家咪仲貴一蚊?」, 繼續大口大口食的SY:「貴一蚊啫..總知係甜品就得啦」 1B-C18 Shintaiho
全家只有我一人愛飲椰子汁, 店員說:「全部泰國運過嚟架, 真係好好飲」
燕窩椰皇波波 $40, 應該是混入了啫喱, 所以非常甜, 而且可能雪得太久, 所以有部份已經結成冰.
我:「都無燕窩嘅, 椰肉就只有一片, 結咗冰嘅啫喱就有一大舊」, 阿太:「幾十蚊會畀燕窩你, 唔好講笑啦」1C-D24 大和食品
之後, 本來想離開一樓, 但又給我發現「正嘢」, 有姐姐在不停手添花膠鮑魚湯 ($25).
SY:「E~爸爸! E個咁似尋日同嫲嫲係海港飲茶嗰碗湯?」(係呀! 海港得一粒響螺, 一塊魚肚)
阿太:「咁E家咪好抵?」, 我:「雖然得2粒罐頭鮑魚, 但係一大堆魚肚, D湯仲勁黏口, 勁正! 勁抵!」香港仔美味海味 (忘記抄下檔位號碼)
因為, 我們想找Sanrio公仔布丁燒, 原來, 布丁燒在三樓VIP美食區, 當我一踏上展館, 我大叫:「嘩! 原來E層咁少人, 又好行, 早知淨係行E度啦」
我Whatspp魚子媽, 她說:「你......第一年去呀=o=年年都有ga啦 XD」(妳點知? 我真係第一年嚟咋...出年我識做啦)
卡通布丁燒, 正正就是由札幌引入, 一層雞蛋布丁, 再有乳酪輕芝士蛋糕, 再淋上焦糖漿...
今次布丁燒燒有 Melody 、Little Twin Stars 同蛋黃哥圖案, 售價 $35, 每日限量 400杯.
SY:「好好食喎, 我鍾意佢又布丁又芝士蛋糕呀!」(我:但相比之前去元朗食的一間, 我略嫌今次的有點實, 雖然大杯D又有公仔樣) 3B-F03 山下菓子
臨走前, 阿太說:「E~點解有一支支鹽放晒係度?」, SY:「媽媽...鹽點會咁大粒, E度寫係米嚟」
店員:「我哋有12款日本米, 每支都可以煲到5-6碗飯, 等大家可以每款日本米都試到囉」
我:「咁邊款最好食呢?」, 店員:「漁沼啦..係越光米嚟, 夠晒黏口, 好多人鍾意」
阿太:「米都有初戀?」, 店員:「因為係12款中最甜, 所以就叫初戀囉, 其實PeboRa帶去露營就最啱」
一聽到露營SY即時說:「咁啱晒子子, 姨姨成日同佢去露營」
PeboRa $48 - $88 3B-A01共洋海產
PeboRa $48 - $88 3B-A01共洋海產
美食博覽2017
日期：2017年8月17至21日（星期四至星期一）
地點：會議展覽中心
時間：8月17至20日 上午10:00至晚上10:00 ; 8月21日提早6:00休息
票價：$25 「美食博覽公眾館」/ $40 可再通往「美食博覽尊貴美食區」、「家電‧家品‧博覽」及 「美與健生活博覽」
大仁生活facebook
沒有留言:
張貼留言