【LEGO朗豪坊終於現身】LEGO Store一周年新攪作

時間過得很快, 霎眼間朗豪坊 LEGO Store原來已經開業一周年, 今晚我們有幸可以參加她的一歲生日會.

SY:「爸爸! 我都記得你上年帶我嚟玩呀!」(係囉!! 咁快又一年)

記得去年Lego逹人團隊砌了一個旺角Lego 放在店內, 一年後的今日, LEGO朗豪坊終於都可以在Lego旺角街道上出現.

SY:「哎呀! 真係連轉角嗰間7-Eleven都有喎...」

SY:「爸爸! 點解去熟食中心嗰條天橋得一半呢?」

我胡說:「哦! 2周年紀念就會再砌埋囉」

8月31日前, 到朗豪坊買滿$818, 便可以有兩個款小禮物給你揀一款...1) 野人夫婦, 或 2) 刻名的士+人仔2粒

SY:「我鍾意的士, 因為可以刻自己個名上去, 我又可以砌人仔」

我:「姐姐話野人夫婦人仔係復刻版嚟, 之前斷晒市...」SY:「但係的士可以砌, 又可以有自己個名, 野人都無得砌」

結果, SY二話不說便即時要砌的士...

再加2粒人, 我問:「點解一個鬍鬚人咁矮呢?」, SY:「佢係皇帝, 坐咗係皇座, 佢唔係矮!」

場內還有預告9月1日, 將會有兩盒大Bot Set 作全港優先發售, 分別是70620 Ninjago City $2899.

而我則比較喜愛 21310 Old Fishing Store $1399, 因為便宜一半, 及很有懷舊氣氛!! (可能我對忍者系列感覺麻麻)

今晚, 有小朋友最興奮, 便是用掌印去換LEGO Post Card, SY:「爸爸! 你都幫我排啦...我想儲齊106張呀!」(吓? 你唔好講笑啦)

我問工作人員:「其實, 有冇人好似SY咁癲, 排完又排, 攞完又攞嘅人呢?」工作人員:「有呀! 大人, 細路都有.

工作人員對SY說笑:「嘩!你手上堆Post Card 好似多過我添, 不如我畀件工作衫你, 你負責幫我派啦」

大仁生活facebook