小朋友又真的記性不錯, 我:「Winnie the Pooh又再返嚟探我哋囉...今次主要賣嘢賺外快掛, 總知有得玩, 硬係要去啦」
聞說今次會全球首推Classic 系列產品, 我問SY:「你識唔識分呀?」
SY:「哦! 唔著衫嗰啲BB樣就係囉」(又真係喎...顏色比較清, 線條簡略D就係)
一套12款Classic Pin $10/個, SY:「咁平...迪士尼嗰D襟章幾十蚊架喎!」(迪士尼食個飯都百幾蚊啦)
摺疊式環保袋 $39/個
小熊維尼Classic皮袋 $180, 木紋膠紙座 $100, 皮信盒 $90... SY:「爸爸! 我鍾意綠色E支筆, (點解呢?)好大支呀! (四色原子筆$19)」
我:「咁橙色 $25 嗰支 仲大支啦...(又真係喎, 不過佢得一隻色), 係喎, 平D仲多三隻色, 好似真係仲抵喎」
SY:「爸爸! E啲膠紙仲得意, 咁多公仔 ($38), 不過都係唔好買, 因為我實唔會捨得用」
SY:「又話係PoohPoh店, 點解又有米奇, 米妮, ToyStory公仔呢?」
我:「係咪木造嘅呢? 我都未見過E啲公仔, 幾得意喎 ! ($70/個)」
大頭咕臣 $199
小熊維尼PatPat $269, SY:「爸爸! 佢係咪爆咗呔呀?」(係喎...真係爆咗呔喎....)
我最鍾意可變形的模型糸列 ($60), SY:「但係佢哋係PoohPooh, 跳跳虎, 同豬仔嚟喎, 唔係變形金剛喎, 變嚟做咩呢?」(車! 玩囉, 好玩呀!)
而SY最有興趣一定是$20一次「Classic小熊維尼」紀念幣, SY:「真係同E家個PoohPooh唔同晒樣喎」
我:「唔係睇到, 都唔唔覺佢哋係 Eeyore同跳跳虎啦...我以為係動物園D動物就真」
場內有三個遊戲, 「與跳跳虎釣大魚」、「踏進小熊維尼、豬仔的菜園」和「跟瑞比 學烹飪」
只要參加及順利過關, 每過一關就可以得到PostCard一張, 一共有六款(兩組)
當中三張可以合併成一棵樹....SY:「Yeah!! 我有齊六張啦... 爸爸, 棵樹合埋一齊先夠靚呀!」
日期：2017 年 8 月 10 日至 27 日
時間：12:00 至 21:00
地點：荃新天地 1 期中庭
「百畝森林探索之旅」過三關遊戲區
參加辦法：讚好荃新天地及 Innoduction Group Facebook 專頁,免費參加贏精美紀念品
大仁生活facebook
沒有留言:
張貼留言