【巴黎鐵塔下玩水】半價玩水世界!! 衝~衝~衝~爽呀! @ Sheraton Grand Macao

暑假玩水一定又美麗又涼快, 而且望著巴黎鐵塔陪玩水, 仁生也是第一次, 好~開~心~!!

當然, 我所指的只是與我們一海之隔的澳門巴黎鐵塔, 上星期, 相約老友豬仔齊齊到巴黎人玩水.今次期假我們揀選了入住Sheraton Grand Macao, 正正過條馬路就可以玩水, 勁方便

SY:「爸爸! E家3點喎...咁我哋可以半價玩」...我:「我哋住Sheraton Grand Macao酒店, 有套票包埋2大2細免費玩水世界添, 下次如果嚟, 無套票就真係揀三點後入場就抵好多, $160半價喎」.

當然, 因為我計好了時間, 先在Sheraton 內的Bene嘆完豐富午餐才過來玩水. 而水世界17:45開始清場, 所以$80也可以玩足2小時45分鐘...我答SY:「係呀!抵過睇戲呀!!」

水世界有一個家庭區, 輕輕鬆鬆, 作為熱身或者家中有初生BB的是首選玩樂區.

之後的海盜船, 船頂有一個大水涌, 十足十海洋公園「夏」水禮一樣, 每5分鐘(約)便會將滿瀉的水向甲板傾倒出來, 消暑一流!!

海盜船上有2條小童級數的3.3 米滑水梯, 因為配合大量水源, 所以衝力也不少...SY:「Yeah! Yeah!! 好玩」

小豬媽:「我同豬仔都用山狗自拍先得....」(結果...哎呀! 無開到機呀!!)

我:「吓? 即係我頭先影大水涌都無開到機? 哎呀! 真係山狗不可信, 都話叫你買GOPro架啦!」

而水世界的王牌遊戲, 當然就是場內那巨型螺旋滑水梯. 一共有兩條, 最長一條為12米，短的也有4.7米.

細膽的SY:「我只係夠膽玩短嗰條咋....」

短的滑水梯是全開放式, 感覺非常之爽,

而且一點也不會驚, 只能用享受來形容.

SY:「真係好好玩~YO~HO, 一D都唔驚呀!爸爸」, 我:「咁你試唔試吓條長梯呀? 爸爸都玩喎」

SY:「好啦...我試一下啦...不過, 我真係瀡一次架咋, 爸爸...你瀡先啦」

這條密封式的螺旋滑水梯.  因為傾斜度跟短的一樣不會太斜, 所以即使你全身躺下, 衝力也是溫柔級, 即使細膽小朋友, 也一樣笑容滿面衝出來....

我:「千祈唔好似我咁自拍, 一邊講嘢一邊衝落水...飲晒D水呀!~ 哈哈哈」

兩條水梯, 我比較鍾意短的一條, 因為可以看風景, 長的有蓋封著, 雖然可以瀡耐少少, 但有少少自閉Feel.

如是這, 我們不停瀡, 不停玩, 一霎眼又到17:45...工作人員:「唔好意思, 唔可以再瀡啦, 我哋要Close啦」

快樂不知時日過, SY對豬仔說:「我唔想走呀!」, 阿太:「係囉, 應該早D嚟啦...」

我:「如果3個鐘唔夠玩, 下次早D食Lunch, 之後就即刻換衫入嚟玩囉! 」

註: 身高1.4米或以下之兒童必須時刻穿著游泳手袖或救生衣。

水世界 

地點：澳門巴黎人6樓
時間：夏季（上午10時至晚上6時）
費用: 每位$160 家庭套票（買3送1）：每日澳門幣$480
(15:00 後入場半價)

#澳門喜來登大酒店 #Sheraton Grand Macao #澳門

大仁生活facebook