網頁

2017年8月30日 星期三

【自己燒肉專人燒】翹埋雙手嘆胡同燒肉~好食!

我鍾意試新餐廳, 就連SY也經常問我:「今日去食嗰間嘢又係新開架?」


一如以往, 阿太也莫不關心的問:「今晚食乜架...」, 我:「胡同燒肉」


阿太極興奮:「台灣好出名架...我最鍾意食牛舌呀, 台灣明星話全世界最好食燒肉...去去去」(反應咁大嘅?)


可能是新開張, 還是抽風系統做得好...燒肉店並沒有任何油煙味之餘, 大門口旁邊還有Locker給客人放包包....真係超貼心.


店員會蹲在桌旁跟我們講解Menu...我:「你最鍾意食咩呢?」(要講國語的...點菜非常困難的一餐呀)


店員:「鹽蔥牛舌$88, 好薄好爽韌」, 阿太:「一定要叫E個...牛舌, 我最鍾意食...」


一碟6片, 超薄切, 而且每片也舖滿高高的香蔥...女店員幫忙..不用20秒便燒出香香的牛舌 (註: 這裡全部也有店人代燒...自己絶對可以做大爺翹埋雙手等食)


SY:「嘩! 真係好香韭菜味...」, 我:「應該係D蔥夠香...其實, 媽媽...我哋係咪真係食緊牛舌? 咁滑咁嫩咁似食緊肥牛嘅? 」


阿太:「梗係牛舌啦..真係好正, 薄得咁緊要, 超正!!」


之後又是店員推介的達拉斯 $168 , SY:「吓?  打乞嚏?」


聞說是老闆是NBA Fans, 所以用球隊達拉斯命名, 店員拍一拍自己頸背:「其實係牛嘅肋脊部」


我問:「牛肋條$88 平一半...有咩分別?」店員:「因為佢係達拉斯旁邊, 會多點筋, 你可以兩款都叫, 來比併一下...」(好喎..我最鍾意比併)


店員燒牛肋條的時間較達拉斯長, 單單看賣相, 當然牛肋條就有點雜亂無章, 聞說每隻牛只能切出2-3份達拉斯喎.


我先放牛肋條入口, 真係內含不少的筋, 但非常入味, 愛有咬口的一定鍾愛, 我:「小朋友你一定麻麻, 因為我鍾意食魷魚絲, 所以咬得好過癮」


SY:「爸爸! 我鍾意打乞嚏(達拉斯)多D, 因為真係好腍」, 我也試一口:「嘩! 真係貴得有道理, 唔止腍, 仲係入口即化」


完全不含筋, 而且非常由外到內都是非常「靚仔」,嫩嫩滑滑, 我:「不過, 可能唔駛多點咬, 所以覺得牛肋條可以咬得更加入味」(無牙人士都可以食到)


霜降松阪豬$70,  肉類可以自選6款調味,(味道由輕至濃)~包括椒鹽、烤肉醬、味噌、辣味噌、奶油和蒜味.


我們當然全部點選最淡味的椒鹽, SY:「豬頸肉都好食...」, 我:「真係呀!肉嫩又香, E度D嘢真幾好食...係就係貴D...一次半次無所謂啦」



最後的墨魚香腸 $100, 我本來想拒絶, 但因為阿太, 與今晚難得見面的老友阿強也想試, 於是便點了...


店員一邊幫忙燒一邊說:「白色係墨魚肉, 外層係豬腸衣包住, 入面充滿墨魚漿嘅」


我吃了一個, 便停不到口:「哎呀! 我本來見佢黑忟忟, 賣相又醜...原來D墨魚好彈牙, 同埋佢外層燒得脆脆地...真係好好食...」


(阿太:頭先又話唔食...你一個人食咗4舊啦)



大家如果來, 記得要訂枱...而且限時食2小時....


(註:有部份客人沒有訂枱...所以摸了門釘) ~ 朋友強說:「E度真係幾得意, 台灣餐廳, 店員講日文, 舖頭名用大陸胡同叫法...幾攪笑)


橘焱胡同燒肉香港1號店
地址:尖沙咀寶勒巷3-7A萬事昌廣場一樓102號舖
電話:2642 1818
時間:星期一至日 6pm-12:30mn


大仁生活facebook



沒有留言:

張貼留言