網頁

2017年8月28日 星期一

【三角西瓜夾夾夾】西瓜乳酪雪糕! 超靚!消暑一流

今日帶SY去銅鑼灣食西瓜...SY:「我都唔鍾意食西瓜嘅!」, 我:「但係有多到瀉嘅雪糕架喎...」SY:「我要去...我要去」



我最初以為平日的下午, 人人也要返工, 照計不會太多人, 原來店內的14個座位也不時有新客人捧著西瓜輪流坐下.

SY:「爸爸! 原來係乳酪雪糕嚟架...嘩!!有得一杯杯買呀! 仲可以自己揀配料喎...」, 我:「但係用西瓜裝靚好多, 用杯裝有咩特別啫」


結果, 就是我要先買西瓜乳酪雪糕 ($38), 再要多買一杯乳酪雪糕 ($48)給小朋友.


西瓜乳酪雪糕的製作方法, 店員先預備了一個三角形的切件西瓜, 將中間部份淘空, 之後就可以注入乳酪雪糕.


我問:「咁中間D西瓜去咗邊?」, 店員:「我哋用嚟做返西瓜味乳酪雪糕呀!」


而今日我們揀選了原味混西瓜味的扭紋雪糕...我對SY說:「一次過可以試勻兩種口味...梗係揀鴛鴦味啦」


最後, 由店員滾`灑上朱古力粒粒扮西瓜核, 我們的立體三角西瓜夾夾雪糕便完成了.


SY:「D核真係朱古力嚟呀! 好食...乳酪雪糕又真係西瓜味, 真係好好食...不過我唔食過西瓜, 爸爸你食啦」


我:「我平時唔多鍾意食乳酪雪糕, 估唔到加埋係個西瓜度食, 少少酸, 更加顯得個西瓜更加甜...」


其實, SY已經心不在焉,  因為他想要一杯有馬卡龍, 又有無限彩虹朱古力粒粒的乳酪雪糕杯...


我:「你嗰杯貴過我個西瓜$10, 而我仲有西瓜食, 你個杯又唔食得...真係唔抵」


SY:「但係我嗰杯大大杯喎...原來, 唔溝原味嘅西瓜味乳酪雪糕仲好食架...爸爸!! 我鍾意食一杯杯, 因為唔會好似你咁食到隻手黐笠笠」


小朋友真的不懂吃...天時暑熱, 當然又西瓜又雪糕, 一次滿足2個消暑願望就最正啦...更何況西瓜雪糕每日限量約 70 個咋!


Crumbs
地址 : 銅鑼灣謝斐道508號地舖 
電話 : 27991212


大仁生活facebook

沒有留言:

張貼留言