上星期, 魚子媽傳來「大黃蜂米線」並說:「仁, 啱你寫...連裝辣油都係用柯柏文個頭😱」
於是, 大前日, 天鴿來臨前, 36度的下午, 兩大兩小便齊齊走到德海街找博派隊員食米線.
小店大約有18個座位, 店員姐姐說:「入嚟坐坐先啦, 出面咁鬼熱, 你可以影吓我哋三幅銀河牆都係立體3D架...」
我問魚子媽:「點解魚湯米線會同變形金剛crossover呢?」, 魚子媽:「純粹老闆喜好啦我覺得...」
踫巧負責人練先生回來答道:「其實, 我唔係鍾意變形金剛, 只係我唔想開一間普通餐廳, 我有一間係鱟地方嘅餐廳係以武俠金庸做主題嘅」
我:「咁...其實, 你知唔知門口嗰隻叫咩名呢?」練先生笑笑口:「嗰隻叫大黃蜂」(大家都笑笑笑...原來你真係知道喎)
店員姐姐推介食「豬軟骨豬腸湯米粉 $58」, 及「魚湯烤魚湯米線 $68」. 我先給小朋友試兩款湯底...看看他們愛豬還是魚.
結果子子, 與SY二口同聲說:「 豬骨湯好飲D」, 我:「係呀!我都覺得」, 反而魚子媽則說:「魚湯好飲一D」
練先生說:「其實, 應該係魚湯會健康D, 因為我哋用白鰂淆2粒鐘, 之後有客人叫, 就再生滾魚湯煮粉上碗呀!」
無可否認魚湯是比較鮮味, 但可能自己比較怕魚腥, 不過夠料的鯇魚腩絶對很有份量.
魚子媽:「魚湯附有豆卜, 佢索晒D魚湯好鬼正」, 我:「係喎...所以我食骨湯, 都夾咗你兩舊豆卜囉..嘻嘻」
SY:「我舊豬骨好腍, 真係好軟, 軟到D骨都軟晒」魚子媽:「魚湯附有豆卜, 佢索晒D魚湯好鬼正」, 我:「係喎...所以我食骨湯, 都夾咗你兩舊豆卜囉..嘻嘻」
台上放的「柯柏文」原來是店員自家製的辣椒醬...魚子媽:「我平時帶子子無機會食辣, E家試吓先」
結果, 她食辣油完再添椒醬, 子子:「我覺得你食辣椒油好出」, 魚子媽真的很辣得, 店員姐姐說吃一羹就辣到頭皮發痳, 魚子媽只是額角滲出少少汗...勁!!
之後就是非常吸引我的甜品炸珍珠奶茶 $ 32出場, 魚子媽:「應該係類似炸鮮奶咁, 第一次食熱食嘅珍珠, 好攪笑」
SY:「好好食呀! 出面好脆, 入面好軟, 珍珠又好好咬, 又有奶茶味...」
子子:「我唔食呀! 我覺得佢好似朱古力, (即係如果佢係朱古力你就食)...係呀! 朱古力我食呀!」
地址：荃灣德海街 18 號富利達中心地下 D 舖
電話： 9178 7372
大仁生活facebook
沒有留言:
張貼留言