2017年8月23日 星期三

【免費點歌‧玩足球機】酒吧入面嘆超正楝篤燒雞 @ 荃灣

朋友C推介:「阿仁, 你一定要去試荃灣新開一間酒吧, 入面隻啤酒雞超正」(有人推介試新嘢, 唔駛左諗又右諗...一定第一時間去啦)




這間酒吧非常闊落, SY一走入店, 即時大叫:「舅父, 爸爸...我哋一齊玩射箭啦」, 我:「佢係掟飛鏢喎」

SY:「是旦啦, 有得玩就得!!」亂玩亂擲的我們, 不一回便發現飛鏢機沒有反應...


舅父:「原來要畀錢架....可能頭先Short咗機」 (哈哈!! 無端端免費玩了一局~Happy! )


餐湯有紐西蘭生蠔忌廉湯($58), 及小朋友指明的普通餐湯($38)...


不過, 有時可能普通的餐湯會更勝一籌喎.


之後便是今晚的王牌啤酒烤走地雞($298)出場...一隻楝篤企非常有氣勢的走地雞上台啦!!


SY:「嘩!好大隻呀!」, 阿太:「真係好香喎」, 我:「淨係望到D皮已經覺得係脆岳岳, 不過, 點樣食呢?」


店員說:「我會幫你剪開佢, 請放心, 最緊要你影咗相先...」(對對對!! 拍片最重要)


太肥美的雞髀, 雞肉又嫩又滑又多汁, 我對SY說:「你睇吓個雞髀仲大過你塊臉呀!」


SY:「谷谷叫 (我: 咩? ), 隻雞在生時咪會谷谷叫囉」, 我:「哦! 所以你食咗就會谷谷叫囉」


焗香蒜煙肉珍寶蘑菇($58), 其實, 我記得這隻大菇如果加芝士, 在青衣戲棚已經要賣$38一隻.


雖然, 如今沒有芝士, 但反而更好, 因為不會太油膩, 我們可以留肚繼續食.


露絲瑪莉香草羊扒($198), 質素媲美剛剛的走地雞, 又香又入味又沒有任何羶味, 好好食.


SY:「哎呀! 三隻羊下面有一座薯蓉山喎, 我要食, 我要食」(這隻羊真係無得彈, 好正)


而每逢周四, 及周六, 餐廳有樂師演奏, 而第二首竟然就是SY唯一識唱的「陪著你走」


小朋友開心得走到台前, 跟著音樂Saving上身口噏噏在唱歌, 音樂完結時, 樂師說:「早知畀支咪你啦, 你成首都識唱」


因為這位小朋友整套「不懂撒嬌的女人」也煲了二次呀!(幾恐佈!!)


繼而就是SY期待已久的足球機, SY:「幾多錢玩呀?」, 店員:「免費玩嘅」, SY:「發逹啦」


因為自從在紅磡嘉里Food Court玩過足球機後, 這位小朋友經常也嚷著要玩, 今晚終於得償所願. (而且仲要免費)


一局10分,  我們後來居上贏了舅父隊, 時間剛剛好, 戰勝一局後, 我們的甜品便由店員端上枱, 我:「嗱! 我哋食完甜品, 再玩啦, OK?」


小朋友指定要吃朱古力心太軟配雪糕($58), 而我則點了士多啤梨梳乎厘($58)


我最愛這裡的雪糕面層會舖上一堆松子, SY:「爸爸! 你睇D朱古力醬流晒出嚟, 幾多...正呀!」


而我的梳乎厘則充滿士多啤梨香, 而不是藥水的味道, 我給SY吃了一口, 他說:「哎呀! 我好似食緊奶昔咁呀!」


正餐, 甜品都吃得超滿足, 而店長竟然為我送上一杯咖啡+Baileys. 阿K說:「E杯酒好玩之處, 就係要你唔用手, 只用口飲」


當然, 我也以為難不到我...先呷了面層的忌廉, 之後便一口含住杯邊, 拗腰渴掉了整杯Blow Job.



我:「哎呀! 好玩喎, 不過最尾我都係要用手幫一幫先吞到...好玩..好玩」


Docks Bar and Restaurant
地址:荃灣享和街57號都城大廈地下A舖
電話:2812 2121


沒有留言:

張貼留言