話說大半年前的聖誕節, 我又發現屋企附近有一間新店正在裝修, 不過這店很經典, 由裝修至開業足足差不多用了8個月.
正當我們以為這大門的鐵閘永遠也不會開啟的時間, 上星期竟然店已開...走高檔路線的麵包店喎.
走入店內, SY:「爸爸! E度D麵包個名咁得意...又叫榴小槤 ($30), 又叫我很芒 ($22), 月半蕉 ($22), 菠蘿菠蘿蜜...」
我:「係喎!! 幾搞鬼喎, 同埋佢個月半蕉真係好似你D"懂" (SY由細到大都叫大便做"懂")咁樣」SY:「爸爸, 你真係好核突, 人哋係朱古力, 香蕉丁呀」
其實, 如果以平日麵包價錢來計算, 這裡一點也不便宜, 不過試一次也沒有所謂, 或者會有驚喜啦.
臨走前, SY大叫:「我想食半熟工坊芝士蛋糕」, 我:「E度唔係半熟喎」, SY指著店內雪櫃的半熟產品.
店員說:「因為佢哋放咗D產品係我哋度寄賣...」(哦! 原來如此...其實, 大家都叫工坊, 又開係凱施旁邊, 可能係姊妹公司都未定)
回家試食....本來我以為很有蕉味的「月半蕉」, 原來只散發出淡淡的蕉味, 而且朱古力味一樣的淡.
SY:「我之前幾驚真係一條蕉, 好彩」(這是一個不愛吃水果的小朋友的意見)
三個麵包中, 以「我很芒」最合預期, 起碼真的有粒粒的芒果, 如果不只限在麵包的周邊會更好.
SY:「佢D芒果好好味, 不過如果再多D就好啦」現在, 絶對是健康的早餐, 而不是美味的晚後甜品.
最後的榴小槤, 外型很有心思, 十足一隻箭豬, 對不吃榴槤的兩父子絶對是一個「提醒」的訊息.
我放了一角入口, 連我也可以接受, 可能夾入了抹茶味中和了榴槤的「臭」, SY:「不如叫好鍾意食榴槤嘅嫲嫲嚟試啦」
嫲嫲邊吃邊說:「係雪山麵包嗎? 無乜味嘅? 」
我:「乜你食唔出臭臭地, 苦苦地咩?」
嫲嫲:「 係咩嚟...哦...榴槤味...食到啦, 不過唔講真係唔知. 幾多錢? ($30蚊), 嘩! 咁貴, 你真係嘥錢, 正正經經買過麵包食仲好啦」
旺角道36號地下
大仁生活facebook
沒有留言:
張貼留言