2017年8月11日 星期五

【又不是80年代】免費!!200部懷舊遊戲機任你玩 @ 理大

紅白機、世嘉、超任當然就是老餅仁的童年回憶, 我對SY說:「爸爸! 今日帶你去打機」, SY:「屋企都有Switch啦」


我答:「有200部電視遊戲機免費任你玩喎...」, SY:「嘩! 好呀! 我要去, 我要去...」

原來, 香港復古遊戲展覽已經去到第三屆, SY一走入大門口, 便即時叫道:「好大個芒呀! 玩咩呢? (好似有得抽獎喎)」


就是每日200名入場朋友, 都可以按此大芒得到會場限定靚靚匙扣!!


近門口位置有一個大大大型紅白機手掣, 一定要2人合作, 一個控制左右, 另一個便控制跳動...


SY:「爸爸...你撳啦...哎呀! 慢咗啦...」, 我:「唔緊要, 再行過, 今次你撳實右鍵, 等我行快D」一個掣便可以加深親子, 或情侶關係...正


其實, 我覺得全場都是寶物, 因為旁邊就是我童年極渴望想得到的二合一電視TVGame遊戲機...


只愛玩的SY漠視我童年的心頭好答我:「我覺得龍珠好難玩, 爸爸..我哋一齊扮街頭霸王影張相啦...」(哦! 都好...畀我影相)


沿路有最最最初代的遊戲紀錄媒體...錄音帶


我解釋給SY知, 當年遊戲不是記錄在SD卡, 他答:「錄音帶唔係錄音咩? 點放遊戲」


這就是經典, 不少經典遊戲機, 今次展覽都可以一口氣展示出來.


現場還有懷舊遊戲帶, 懷舊機出售, 原來當年的Game也不是十分升值...


相比之下, 可能遊戲的攻略本更值錢了.


今日很高興, 認識了Game-Run 的George, 我問:「點解我當年玩紅白機都無見過E個黑色盒呢?」


George:「我都係近E幾年先知, 佢係可以SET到個Game變成慢動作, 咁就易過關D囉」(嘩! 原來當年都咁屈機呀!)


今日, 最開心便是給我見到Sharp68000的真身, 這殿堂級的專為玩當年街機的家用電腦.


George:「不如我試隻最超班嘅惡魔城你玩呀! 」 (好呀!好呀!) 單單這惡魔城現時己是罕有得價值過$2000以上.


沒有想80年代尾的遊戲畫質可以如此高質素. 我問George:「你又會捨得玩原裝Game嘅? 咁貴」


George:「遊戲買返嚟要玩, 先可以畀佢有活生生的感覺, 如果唔係, 就咁放係櫃, 只係得個擺字, 佢哋都無意義啦」


SY沒有興趣聽歷史, 他已經不停左玩右試, 我問:「你鍾意玩食鬼咩?」


SY不是有太大反應的回答我:「我部部機都試吓, 見到E部咁奇怪, 我都唔知佢叫食鬼, 你講我就知...」


我:「E個經典遊戲呀! 起碼40年, 你食咗糖啦, D鬼變咗紫色, 你可以去食鬼啦」, 最終可能畫質太簡單, 小朋友玩了不足3分鐘...走了.


最後, 這位小朋友找到了一部任天堂的GameCube, 除了認識了一位新朋友外, 更加罕有的乖乖坐足一小時, 也沒有離開椅子.


因為他沉醉著自己的最愛比卡超大戰Mario, 而我又走了去做直播...當我做完直播回來, 小朋友們仍然在作戰中, 我:「你好犀利喎...你竟然玩咗一粒鐘比卡超」


SY:「真係好好玩吖麻!! 」我:「6點9啦, 差唔多要走啦...我好肚餓呀!」結果, 再作戰多兩局小朋友才肯離開.


臨走前, Brick A Project 的工作人員正在砌8bit馬賽克畫, 姐姐:「小朋友, 你有冇興趣試試?」


原來, 她正在為阿Ken變出下半身...SY:「哈哈...爸爸...可能我打得機太耐...對手好似唔係好靈活」



當然! 因為這位小朋友一口氣玩了近4小時電視遊戲, 不手軟才怪...


香港復古遊戲展覽
日期:2017年8月10日至13日
時間:12:00-20:00
地點:香港理工大學賽馬會創新樓



大仁生活facebook

沒有留言:

張貼留言