有一位小朋友昨晚興奮得不能入眠, 他說:「我好開心, 因為聽日可以同子子, 豬仔一齊玩鐳射槍」
事緣年半前, 我們曾帶SY到行人專區的Resalaser玩過一次鐳射槍, 之後他便念念不忘!! (相關網誌: 激戰!! 旺角幻彩WAR GAME)
今個暑假, 整個鐳射槍場搬了來鑽石山商場, 只要消費滿$50, 就可以免費玩一次, 阿太:「嘩! 咁咪好抵, 上次旺角玩, 要$118一次喎」(超抵!)
SY: 「爸爸! 我哋快D換衫啦...你哋大人一組, 我哋小朋友一組啦」(你咁有信心呀?)
工作人員:「你哋有5-8分鐘, 每射200粒子彈就記得即時Re-Load, 如果唔係就發唔到彈架啦, 最高分嘅, 可以得到一張商場禮卷」
Yeah! Yeah! 跑跑跑, 射射射, 追追追, 大人小朋友也玩得嘻嘻哈哈... SY:「子子, 你要攻擊先得呀! 上彈啦...上彈啦」(有人扮晒專家咁喎)
突然, 不見了SY呢? 原來, 他竟然躲入了兩個大充氣障礙物的中間, 想來一個突襲...可惜一早已被敵軍發現, 今次真的躲著也中槍啦!
忽然螢光戰場內煙霧迷漫, SY:「嘩!香蕉味大煙又出場啦...」, 工作人員:「小朋友你好叻喎, 真係聞到香蕉味...(我: 點解係香蕉味呢?) 我老細話香蕉味係最好聞嘅」
8分鐘看似很短, 但大人們已經汗流浹背, 我真的連底衫也濕透了, 魚子媽:「我真係玩到好攰」
子子:「咁快就玩完啦??」, SY:「係囉, 點解咁快就完架...我仲想再玩呀!」
而今次最高分便是子子爸...他可以得到禮券一張...我:「嘩!你真係又玩又拎喎」
除了「鐳射槍對戰迷宮」外, 還有一個「槍林狂野攝影區」, 不用消費, 只要排隊便可以免費「揸住支槍」擺pose影相打卡.
SY:「我係IronMan, (我:點解呢?), 因為我帶咗紅色眼鏡, E家睇咩都變Iron-Man」
場內還有另一有獎遊戲位置, 「鐳射槍射靶區」, 只要消費$25, 就可以玩...
工作人員:「小朋友, 你有3分鐘, E枝槍有20粒子彈, 只要你射中13粒就有獎品啦」
這個任務不簡單, 最後SY也只得6分, 不過, 他一樣非常高興, 因為他與子子互相對戰...
子子:「我打咗個筋斗, 好難為情呀!E家我個頭好痛」(當然啦, 個地下都無舖到軟墊, 頭仔一定好痛啦)
而可以贏到禮券的同樣是眼界非凡的子子爸...我只得10分咋...
槍林狂野攝影區
費用：全免
鐳射槍射靶區
鐳射槍射靶區
限時3分鐘, 發20槍命中13槍或以上可獲精美禮品。
參加辦法：場內消費滿$25(即日發票), 可體驗一節一次（20發）,（7歲以下參加者需由1名家長陪同參加）
鐳射槍對戰迷宮
鐳射槍對戰迷宮
日期：8月17日至8月26日
地址：荷里活廣場一樓明星廣場
時間：12nn-2pm、3-8pm（2-3pm場地暫停開放，進行清潔）
沒有留言:
張貼留言