今日我們一家三口走入西貢吃牛丸粉...朋友魚子媽說:「你哋為左碗粉入西貢??」
本來, 自己也覺得有點勞師動眾, 但吃過這碗印尼牛丸粉 BAKSO, 真心覺得物超所值.
小店裝修得非常海灘, 非常夏日...白牆配上校園木凳, 還有滑浪板, 阿太:「哎呀! E度只係賣有一款牛丸粉, 同兩款千層糕咋喎, 咁得意」
我:「係囉! 咁咪好囉, 入嚟唔駛諗, 可以一坐底就等食...正!!」
SY:「爸爸! 點解E度叫白鬚呢? 」, 店主之一的Vivian解釋:「BAKSO, 白鬚係我哋自己譯造中文嘅!!」 (即係咩意思呢?)
Vivian:「印尼話BAKSO解「肉丸」, 當地DBAKSO仔會叫牛丸粉做BAKSO, 我同另外幾個朋友都好鍾意印尼峇里, 成日住佢哋民宿又幫佢哋湊小朋友, 我向佢哋請教點解煮BAKSO, 返嚟就試吓大家鍾唔鍾意食囉」
原來, 這裡只開至8月30日, 這店亦是由咖啡店作短期租給Vivian及另外三位朋友齊齊作海灘小食的暑期作業. (真係很活力嘅Pop-Up計劃喎)
獨沽一味賣牛丸粉, 湯底清甜, 沒有越南及港式粉麵的味精感覺, 4粒牛丸超彈牙, 又有層次...
SY:「不過好辣, (無理由喎, 你碗是無辣的...哦! 我知道啦, 因為印尼牛丸加了黑椒, 所以有辣, 我也不太愛加入黑椒的丸類)」
炸'牛肉雲吞, 再有豆腐卜, 炸蒜, 我:「嗰塊炸雲吞皮仲係脆岳岳呀! 正呀! $35抵食啦」
八卦的我走到出餐位置, 原來, 店員會為每碗加上甜豉油, 蕃茄汁.
越南米粉似十足米線, SY:「乜唔係米線嚟咩? 」, 我:「應該唔係啦, 話明印尼粉呀, 點用米線, 同埋姐姐話只有E款粉, 咁一定係印尼嚟啦!」
現場所見真的有一批印尼朋友等著入內光顧, 於是甜品的千層蛋糕 ($10), 我們便拿到門口進食.
兩款口味, 分別 原味及斑蘭味, SY:「我鍾意原味, 因為斑蘭有D椰子, 同香蕉嘅味, 我麻麻地」
我:「印尼千層蛋糕, 同日本嘅又真係唔同, 唔會太甜, 但就比較結實, 乾身帶點韌...可能印尼人鍾意E種夠飽肚質地, 我就麻麻地」
阿太:「都係個牛丸粉正, 真係開學前要嚟再食多次先得」
Bakso 白鬚
限定 : 2017年8月1日至30日
地址：西貢海傍街3號地下
時間：星期二至五12nn – 8pm，星期六日 12nn– 10pm，牛丸粉售罄後關門 (逢星期一休息)
電話：6255 9224
備註：不設加一(只收現金)
大仁生活facebook
沒有留言:
張貼留言