不竟九龍人的我不常到太安樓, 即使知道這是掃街勝地, 但每次也要坐13-14個地鐵站, 總是叫仁卻步.
原來, 我上一次過來已經是3年前的事, 不過今天再重來, 感覺又不是變得太多...(時間會唔會過得太快呢? 咁就3年?)
今次我們的首要目標便是要吃超抵紫菜包飯($25), 及大大碗鰻魚飯($40), 這是專做外賣的「味雷」
老闆娘對SY說:「小朋友...我畀多D鰻魚汁你」, 其實, $40有SY臉般長度的鰻魚, 絶對超超值.
鰻魚夠肥美又夠油香...不過, 怕鹹的老仁家問SY:「會唔會太多汁?」, SY:「多汁先好食, (我怕好鹹)」
原來, 老闆娘說:「我哋開咗2個月, 最初畀好少汁, 但D人又嫌太少; 到之後畀多D, 又有人講太濃...所以之後會訂另一個盒, 汁同飯係分開嘅」(咁真係Good Idea)
之後的紫菜包飯真的無敵, 老闆娘推介8款飯卷中的泡菜豬肉給我.
SY手臂的長度, 可以切出8件, 足料入味又香, 都只是$25.
我:「真係抵到爛, 好食喎, 如果D飯再暖D就仲好」, 老闆娘:「E個溫度啱啱好, 否則飯卷會散開, 因為唔係壽司」
SY:「真係飯卷好食好多...不過E度張枱好高, 我跪到個膝頭哥好痛」
吃飽正餐, 當然就去醫甜品的另一個胃...這個 cream brulee班戟 ($32) 可以一口氣滿足我三個願望
SY:「吓? cream brulee都可以加入個班戟度?」其實, 是一般班戟加忌廉加雪糕, 再加木糠粉, 於是一個甜筒, 你可以放cream brulee又得, 你放砵仔糕, 白糖糕亦得, 得咗!
可惜老闆不批准拍攝, 大約等了十分鐘, 甜品來了. 班戟附有一支膠匙羹, SY:「我揀咗個曲奇雪糕呢? (你要用匙羹食晒個cream brulee就見到)」
SY:「佢E個cream brulee 好勁蛋味, 不過, 我鍾意食平時嗰間多D, 因為蛋味少D, 我唔鍾意食蛋」(Paul Lafayet是小朋友的最愛) 我:「E度$32有齊咁多嘢畀你食, 算係咁啦, 係咪?」
SY吃了一半cream brulee 說:「爸爸, 你幫我食咗個cream brulee , 我只係想食雪糕同班戟咋, 不過個班戟皮都好似有少少韌」(哎呀!乜你咁鬼奄尖架)
之後, 我發現有師傅很用力的在打蛋漿, 而且很香蛋糕味...SY:「好似雞蛋仔呀!」
工作人員說:「E個係蛋糕仔, 好食過雞蛋仔架, 而且好健康, 因為我哋用低脂牛奶」
即叫即造, 約等3分鐘, 一個較鵪鶉蛋大少少的蛋糕仔就登場, 軟軟綿綿, 微微濕潤, 較紙包蛋糕更綿密, 好食...
SY:「我以為雞蛋仔, 原來真係一個蛋糕仔, 我可以當早餐食都得」
(如果我哋住太安樓可能得, 隔夜之後都一定唔好食, 快快趁熱食啦)
即造蛋糕仔 $10/7個；$18/14個
味雷
地址：西灣河太安樓第一街A25
電話：9773 2621
時間：星期一至日 11am-11pm
I Love戟-日式班戟專門店
地址：香港西灣河太安樓商場55A號鋪
電話：從缺
時間：1pm-11:30pm
小城滋味～Cake Boy 小賣部
地址：西灣河太安樓A47舖
電話：9800 0159
時間：11am-9pm
大仁生活facebook
沒有留言:
張貼留言