【Minions X 杯緣子】半年一度開Bearbrick @ 親子開箱文

每年2次, 一次聖誕, 一次暑假, 都是我最期待的親子活動, Bearbrick開箱....

今次已經是SY第4次參與開Bearbrick遊戲. 我問:「點解你咁鍾意呢?」, SY一邊偷笑一邊說:「好刺激囉, 好想開到特別版」

之前我會開2箱, 每箱有4盒...不過, 我今次只開2盒, SY:「吓? 爸爸...點解你唔開多D呀?」

我答:「因為今Part有好幾款都唔多靚...」

阿太:「唔係喎...我要杯緣子喎...開唔到特別粉紅色杯緣子, 不如你去開多一箱啦」

SY:「我就鍾意Minions, 不過, 我鍾意普通版多D, 因為特別版係坐監, 仲要係單眼, 我麻麻地」

其實, 為何我們一早己知有甚麼款色呢?

因為, 日本較香港早出一個星期, 所以, 阿太, 與SY於日本已經賣得火熱的頭7日, 已經不停催我...「點解你訂嗰間, 咁耐都未返貨架?」

今次真的很好彩, 每盒也開到一款終極特別版...開第一盒的第4隻, SY已經開到我的最愛「太保朗」, 我已經感到「今次發逹啦...」

而其他的超罕特別版, 我們還有藍色的 The IT Bear (MilkBoy ), SY:「好出名架?」, 我答:「其實, 我都唔識佢」

而另一隻八哥, 我覺得很可愛, 不過SY說:「我最驚狗, 爸爸..佢係咪狗嚟呀? (係呀) 唔掛得之, 我唔覺得可愛啦」

當一開到粉紅色杯緣子, 阿太在迅雷不及掩耳的情況, 將兩粒杯緣子劫走, 即時進行她的IG杯緣子構圖.

SY:「其實, 我覺得E兩粒好核突, 不如揼咗佢哋啦...」(大佬! 杯緣子同Minions一出就被人炒起咗...一揼就揼咗$200, 唔好講笑呀..小朋友)

大仁生活facebook