【Marvel夏日過三關】同雷神玩遊戲~仲跟蜘蛛俠學噴蜘蛛絲 @ 迪士尼

暑假頭, 自己入園與Marvel玩過不亦樂乎, 今日, 帶SY齊齊入迪士尼見偶像...我問:「IronMan, 美國隊長, 蜘蛛俠你最鍾意邊個呀?」

SY想也不想便答:「梗係蜘蛛俠啦, 佢會噴蜘蛛絲做武器, 我好想一陣佢會教我」

三大任務之其一, 美國隊長英雄會面禮, 位置就是大門口左邊的會客室,(即半年前的高菲郵局位置)

第一時間, 當然走到最近大門的秘密會客室與美國隊長見面啦....SY:「我同隊長敬咗好多次禮....點解要敬咁多次呢?」(好簡單, 因為爸爸又要拍片, 又要做Live囉)

這位隊長最少可以提供6-7款姿勢, 影完再影, 直至姿勢重複為止啦!!

之後就可以到Marvel館, 或美國小鎮沖印店 製作一張神盾局的「特工身分證」及「特工委任證」$58.

可能你會問我:「做咗張證有乜著數呢?」答案其實是:「無」, 不過, 你可以完成三個任務後, 能夠獲得英雄標貼貼紙.

集齊4枚, 可以8折購買迪士尼全球首本香港限定Marvel漫畫~ 老實說, 粉絲怎可以不儲神盾局証呢...至於漫畫有沒有折我都一定入貨啦!! (盲目了)

任務二:「躍」見蜘蛛俠, 位置就是「展藝館」, 即是獅子王再直行的地方.

原來, 這裡變身成神盾局臨時基地,  不過, 要提提大家, 進入基地前要經過安檢...

但大約每4人就有一位需要進行再檢查, 大家不用擔心, 轉一轉身就輕鬆過關啦!!

蜘蛛俠大顯身手之餘, 還會跟你用中文打招呼:「你好! 我係蜘蛛俠!!」之後更叫了在場的小朋友齊齊與他Hi Five!!

當我臨走前, SY走向蜘蛛俠說:「你可唔可以教我噴蜘蛛絲呀?」, 蜘蛛俠點頭就做出噴蜘蛛絲出手勢.

SY走時說:「如果真係可以噴到蜘蛛絲就好啦」(原來, 每個小朋友都想學噴蜘蛛絲, 想當年我讀小學時, 都有相同願望喎)

註: 如果你有加入成為「特工」, 記得每次完成任務,  一定要問工作人員拿貼紙喎~

任務三: 「Marvel危機次元任務」, 其實即是會見蜘蛛俠的同一位置, 亦是最精彩的一個遊戲.

大家化身神盾局特工, 再親身目擊無過難關, 最初守護大家的是3D投射出來的鷹眼、及黑寡婦.

之後就由奇異博士指揮, 再去另一個關卡尋找能量球.

而真人雷神亦在轉角出現等候大家為他解鎖. SY勁興奮:「嘩!個雷神係真架...」

驚喜時刻便要星爵出場, 雖然扮相有少少出入, 但配合大量道具, 又有小樹人, 就成為了任務的終結.

最後由3D奇異博士與大家說再見, 又要重回現實世界, 真的想成為Marvel一員多一點呀!

離開臨時基地前, 記得與美國隊長的盾及雷神的鎚合照呀!!

而每次主題, 迪士尼都會推出一系列配合主角造形的美食.

今次當然主角就是蜘蛛俠及美國隊長...

好食與否則屬見仁見智, 但外形賣相絶對一流, 呃Like無限分呀!

PS: 首1000名完成過關遊戲或與蜘蛛俠會面的人, 可免費獲贈漫畫一本.

大仁生活facebook