2017年7月28日 星期五

【動漫節有大型Lego展】三隻蜘蛛俠大鬥法

可能我已經超齡, 因為對動漫展的感覺沒有從前的期待, 可能, 真的要夠年輕, 才可以為部8000元的43吋高清TV排足3晚吧!


SY:「我想子子陪我嚟打卡機」, 可惜小鐵人一早已經行山行到去長洲, 今日我的任務便是陪SY打機...非常簡單.

因為新機要排隊近90分鐘, 所以SY玩了兩舖舊機, 便陪我逛逛動漫展, SY:「爸爸, 你唔買Bearbrick?」


我都想, 但今次動漫展沒有賣Bearbrick的檔位呢!!


小丸子專賣店, 有apm喵喵Cafe中扮喵喵的小丸子, 我:「好似唱歌都得意喎」, SY:「梗係扮喵喵得意啦, 因為我鍾意喵呀!」


有一個小丸子的背嚢, $280...這個日本小朋友的傳統書包, 其實, 應該連一頂黃色帽, 也就真的十足十丸子啦.


這次我們兩仔爺花了最多時間, 便是流連Lego店內, 因為現場除了有6大「Build Amazing Hong Kong」盛事地標.


亦同時有10大香港之最, 可以供我們投票.


SY:「我覺得最得意係山頂, 因為內面有好多英雄..IronMan, 美個隊長, 蝙蝠俠, 白兵, 黑武士」(所以要贏取小朋友一票是非常容易的)


今天的Coser我見到最有趣的應該是這位魔人布歐, 我叫他做一個招牌動作, 他竟然向我躹躬. 攪笑!


突然SY指向合味道攤位說:「爸爸, 有得買杯麵」, 誰知工作人員說只是送紙袋及隊拍即影即有....(其實, 絶對無厘頭, 好似美食展要8月中才舉行喎)


場內我唯有一興趣買的, 就是那個瓷器造的熊本熊, 我:「熊本熊不倒翁, 細細個仲貴過大大個」


SY:「頭先姐姐話, 因為大大個係膠做, 搖佢仲有噹噹聲」(係囉, 大大個真係抵, 可惜我鍾意細嗰款呢!)


今日, 最開心莫過於, 我們由一位蜘蛛俠, 等到變成兩位, 再不一回竟然再變多一位出來.



SY:「咁攪笑...蜘蛛俠都有咁多個, 臨尾兩個蜘蛛俠竟然仲係一模一樣...」(係囉, 如果走多三個出來就可以變成蜘蛛俠戰隊Lu)


2017第十九屆香港動漫電玩節
日期: 2017年7月28日 - 31日 10am - 9pm, 2017年8月1日 10am - 8pm
地點: 香港會議展覽中心 Hall 1、Hall 3
票價: $35


大仁生活facebook

沒有留言:

張貼留言