2017年7月7日 星期五

【優先訂倫敦巴士】時代廣場前身任睇@銅鑼灣Lego新店

正當SY問我今日放學帶他到那裡玩, 我答:「去免費任玩任砌Legoland呀!!」, SY:「吓? 朗豪坊嗰間...我哋都成日去喎」


我答:「唔係朗豪坊呀, 佢哋係銅鑼灣開分店, 又有新嘢玩架」


一走入新店, 即時有一幅巨型Lego砌成的港式食物牆...SY走近Lego牆:「爸爸...原來真係Lego嚟架」(梗係啦, 不過遠睇真係幾似畫上去)


而Lego專門店最開心一定是免費可以任玩Lego, 工作人員見SY有點迷茫, 即時坐下幫手...而我當然就可以自由在店大影特影一番呀!


朗豪坊店的靈魂是超大型「Lego旺角」, 而時代廣場店中最曯目的就是「Lego銅鑼灣」, Lego達人Andy說:「今次我哋團隊用咗3個星期完成80年羅素街面貌」


我:「E度係銅鑼灣嚟咩?」, Andy:「大約係80代, 當時時代廣場都未起, E度前身就係電車廠囉」


我:「你又會咁熟嘅?」, Andy:「因為我嫲嫲就係住波斯富街, 正正就係對住電車廠, 望住羅素街街市」


而在Lego銅鑼灣內,  Andy還加入了不少電影元素角色, 他說:「天台有葉問打功夫, 街市有回魂夜星爺攞住一盤花...」



SY:「天台有隻貓仔呀!! (你好似哥斯拉咁巨大, 好恐佈呀!)」


Andy:「小朋友, 你睇吓...鵝頸橋底仲有盧海鶻同邵音音, 打小人...(註:陳果:2013年作品 迷離夜)」(震嬰哥,企定啦,蛇蟲鼠蟻好×多)


其實, 我還未來得及聽Andy再講故事, 我已經畀SY拉了去睇新店的Digital Play Table, 原來, 大家可以在有活動畫面的枱上砌Lego...好攪笑!


而我當然最關心贈品問題啦...工作人員說:「開幕頭300人入場, 而又買滿$300, 就可以得到電車一包」(我好想要呀!)


樂高認證專門店box set 及 豬仔錢罌(40251) , 則分別購物滿$ 1,500, 及 $800, 就可以得到....


至於我最最最想要的, 便是要買滿$1200 Cities 或 Friends 系列, 才可以得到的尖沙咀鐘樓...因為實在太太太靚啦!!


當然, 朗豪坊的自助Lego散件牆, 在這裡一樣一可以讓大家任揀任買啦..價錢一樣(小杯$119、大杯$199)


而SY企在其中一幅牆前面, 正正就在玩「LEGO-In-Store Action」AR與Minifigure合照.


正當我在研究贈品的時候, 另一邊, Andy與另外一些Lego迷正在議論一盒倫敦雙層巴士(10258)...他們說:「8月1號先有得賣喎...」, Andy:「我一陣會砌, 用嚟Display, 我估會用3個鐘嚟砌」


原來, 新店開張第一件可以預訂的正正就是這盒大巴士...Andy:「佢個路線牌設計得幾特別喎...」SY:「哥哥點解你唔即刻砌, 要睇說明書?」


Andy:「睇咗先, 咁一陣會易D上手」, 我砌Lego會開盒, 開袋即砌....這正正就是逹人與普通人的分別 .


相關網誌: 【朗豪坊Legoland】免費任玩任砌 @ 旺角中的LEGO的旺角


LEGO專門店
地點: 銅鑼灣勿地臣街1號時代廣場9樓902-903C舖 
時間: 10am-10pm 電話: 26382220


大仁生活facebook

沒有留言:

張貼留言