2017年7月19日 星期三

【HEA行5粒鐘】書展精華遊 @玩Vs書

已經兩年沒有去書展, 心血來潮想帶SY去逛逛, 小朋友說:「我都唔鍾意睇書」, 我:「子子都去喎....」, SY:「子子去, 我又要」


我們首先走到兒童天地, Marvel迷當然被一系列顏色筆所吸引, 工作人員說:「我哋每款筆都有生果味呀! ($30)」

SY:「真係有菠蘿, 藍莓, 士多啤梨....」, 魚子媽:「原來連鎖匙扣 ($20)都有味架...」


工作人員:「立體E個系列都有...IronMan就係玉桂味囉」


子子:「其實, 好大陣味呀...」可能買一, 兩支來書寫, 感覺應該不錯, 但突然被千千萬萬種味道包圍著, 則會有點奇怪. (3B-A07《Distexpress》)


我記得2年前又是這個《Magic GOO》的吹膠波攤位最受小朋友歡迎...


SY老年2歲, 情況依舊, 是好還是不好呢? 我只知道這些吹氣波波, 每個面世不足3分鐘, 便已經被我們兩位小朋友破壞得體無完膚.


每次會展的活動, 總會有不少政府部門擺攤位, 今次環保署的位置, 可以有「放乒乓波學回收分類」, 及「選擇題學環保」


第一個遊戲有趣一點, 所以兩位小朋友也玩得非常投入...(另一個太學術性啦...2人合作答了一題便離開了)


每位參與小朋友都可以獲得一枚毛巾, 很不錯喎...總好過文件夾吧!
(3B-A13《環保署》)


3樓是兒童天地, 所以, 今期大熱的反斗車王, 無處不在, 有DVD, 有棋, 有書, 有模型...總知就是無處不在...


之後, 我們回到正館, 魚子媽想買旅行攝影的書籍, 我們陪他購買後, 便又亂逛一餐.


忽然, 被我們發現了一間聲稱全球最細書籍的攤位...SY:「嘩...真係細過我手指甲喎」


目測應該可能沒有1CM的高度, 可能我老花...我真的看不清內頁寫了甚麼.


魚子媽:「我連呼吸都唔敢太用力呀!」1C-C26《The smallest books in the world》$40


我們都是Lego迷, 所以一發現有攝影師, 以Lego人仔製作情景出了一本書, 即時翻閱.


魚子媽:「真係好得意喎, 廚師投燒賣; 鴨仔Batman當咖啡係泳池」


我可以買一本送給阿太, 激發她影杯緣子的靈感...魚子媽:「我其實真係無你哋咁有心, 成日帶住啲Lego人通街走囉」1D-C02《Legography 樂高迷你劇場》


今日, SY不停嚷著要買Pokemon圖鑑, 可惜找不到他合心水的選擇, 反而便吸引了子子又有點動心...


不過, 後來我們走到每年書展, 一定會將過期日本期刊做大特價的IPS攤位, 子子已被陳年舊幪面超人雜誌著迷了.


這些5-6年前的玩具雜誌, 全部也是$10起...SY:「爸爸...咁多年前, 係咪會升值呀?」如果, 會升值, 書局就不會由原價$100, 現在只售$10


結果, 子子很高興選擇了一本$20的幪面超人書, 當中還附送兩隻曱甴...子子:「係甲蟲嚟架, 唔係曱甴呀!」1C-D38《日本IPS》特價過期書刊


左逛右逛, 又給我發現可以預定的仿小巴水牌. $168 (中) /$300 (大)


魚子媽:「又唔係好貴喎, 我都想整呀!」, 我:「但係要預定, 無即場造, 因為師傅唔係會場」預定往往也是磨滅購買慾的最大敵人, 所以今日又省回$168.
1A-C16《小店見學》


原來, 胡亂逛書展, 也可以走了5個小時, 子子:「我好攰啦」, 我:「你平時跟媽媽去行山, 無冷氣, 唔係更攰咩?」


子子:「但係行山 , 我一攰就可以坐石頭, 書展都無得」



其實, 書展都可以坐地, 因為我見很多小朋友也是坐在地上看書. 不過, 其實如果我會情願拿回家, 舒舒服服在梳化看呀!


日期: 2017年7月19日 - 25日
地點: 香港灣仔博覽道一號香港會議展覽中心
票價: 成人:$25 小童:$10
上午進場票:港幣$10 (中午12時前進場)
時間:
19-20日:10am-10pm
21-22日:一樓展館:10am-12mm;
三樓展館:10am-11pm
23-24日:10am-10pm
25日:9am-5pm


大仁生活facebook




沒有留言:

張貼留言