【粉紅小清新】可以飲嘅抹茶蛋糕 @ 葵廣

昨晚, 我們在葵廣吃飽晚飯, SY經過3樓一間新開飲品店, 對我說:「爸爸... 黑森林蛋糕奶茶係咩嚟架?」

因為飲品店前有易拉架宣傳三款「蛋糕奶茶」, 其實, 我真的從未聽過奶茶入面可以放蛋糕喎.

當時(約)21:00, 店員說:「唔好意思, 我哋D 蛋糕奶茶賣晒啦, 因為我哋全部係用真茶葉沖, 唔係溝粉嘅」

SY頓時失望, 不過店員又說:「不過, 我們仲有蛋糕抹茶, 小朋友你有冇興趣試試?」

雖然抹茶是用宇治抹茶粉沖成, 但SY又怎會介意呢? 原來蛋糕就是注入抹茶前, 預先放在杯底的蛋糕漿.

而我則點了一杯芝芝莓($24), 將多粒士多啤梨與冰打成沙冰.

之後, 再在杯面混入大量芝士忌廉漿, 嘩!! 望到一刻口水已不停長流啦.

店員教我不要用飲管, 深深啜一口...我:「嘩!芝芝莓好得意呀, 芝士帶鹹, 但又流住甜甜嘅水果冰, 真係一次過滿足兩種口感喎」

SY:「爸爸! 你問姐姐攞支飲管啦」, 我:「唔駛架, 如果用飲管就飲唔到將芝士與水果冰合而為一嗰種口感呀囉」

SY:「我E杯抹茶蛋糕好正!」我試了一口:「真係又有蛋糕, 又有抹茶...簡直係可以飲嘅抹茶蛋糕 呀!」

之後阿太點了一大杯金萱百香小清新($20), 她說:「你睇加$3, 可以有咁多珍珠...」

SY:「點解佢D珍珠係粉紅色咁靚嘅」, 店員:「因為我哋D珍珠用咗櫻花粉自己煲呀!」阿太:「又有蘋果 (半個), 百花果, 吉仔, 啱晒女仔」

阿太:「我鍾意食生果, 所以三杯之中, 我鍾意係E杯金萱百香小清新, 你哋嗰杯太飽啦...我要減肥呀」

SY:「爸爸, 但係我真係好想飲黑森林奶茶...不如下星期, 我哋早D嚟啦」(好呀! 你話事啦!)

壹茶 Tea One
葵涌廣場(葵富路7號)301P舖
67069243

大仁生活facebook