網頁

2017年7月24日 星期一

【西九龍掃街】抹茶大晒! 平食葛餅+麥提莎糯米糍

SY指住招牌問我:「"旮旯" ~爸爸點讀呀?」, 其實, 我只是想來吃蕨餅, 為甚麼店名如此艱深呢?


上網問Google 原來這就是「山卡啦的卡啦」, 果然粵語博大精深... SY:「爸爸...E度都無蕨餅食嘅?」



原來, 又是我眼細看不清, 這裡賣的是葛餅, 我問年輕女店員:「葛餅 同蕨餅 個樣好似差多, 其實有咩分別呢?」


店員回答:「蕨餅 貴D, 我用葛餅 粉做, 所以係葛餅 」


我問食家魚子媽, 她答 :「葛餅夏天食多, 似大菜糕多d...」, SY一邊食一邊說:「E個平D($15/五件;$38/十五件),  我覺得無蕨餅咁滑」


其實, 質感個人覺得沒有蕨餅的煙煙韌韌, 可能店鋪前面放置的黑糖, 及煉奶就是給你添上一點甜味, 因為吃慣蕨餅, 會覺得葛餅有點淡口.


之後, 我們又試了原味及抹茶麥提莎糯米糍, ($36/九粒;$56/十六粒)...


SY:「麥提莎係咩嚟架?」(原來, 我好似真係好耐都無買過麥提莎喎, 所以, SY未食過)


我:「類似M&M's 但朱古力入面有D脆脆...」SY:「原來, 原味係牛奶味呀! D糯米糍好煙韌的呀!」


我:「不過, 佢用嘅丸久小山園抹茶粉有D淡, 係好綠色, 不過無咗我最鍾意嘅回甘味...我知點解佢D糯米皮比較淡, 因為粒麥提莎好甜呀!」


SY:「甜就啱我...(我: 我記得點解我咁耐都無買麥提莎啦...因為我嫌佢太甜)」


魚子媽幫忙試食:「佢個皮搓得好好食喎...粒麥提莎仲好脆添, 不過, 我嫌兩隻味唔係好夾」(我反而覺得皮有點點厚)


全店我們一致推薦的就是用清嵐抹茶粉開出來的Latte($32), SY:「真係好好飲...」


我:「可惜今日無咗個拉花啦」, SY:「無所謂, 好飲就得, 真係好Wonderful呀!」


旮旯
地點: 深水埗西九龍中心8樓58號鋪
時間: 星期二至日1pm-8:30pm;逢星期一休息
麥糍: 星期三、五、日1pm及7pm(售完即止)
電話: 6682-5273



大仁生活facebook

沒有留言:

張貼留言