2017年7月21日 星期五

【真係豪一次】高質水果大餐+餵龜嘆下午茶

作為多次進出數碼港, 都是因為去玩We嘩! 我真的不知道, 原來數碼港有一間酒店.



多謝艾美酒店邀請, 好讓我們一家三口過了一個愉快的周末, 更加可以忽然豪一次, 走入酒店食足三餐!! Yeah!!


甚少有機會品嚐酒店餐廳食品的我們, 下午茶先來一個小小的熱身...


最先我想點三份綠茶布甸+日式糯米糍+雪糕 $80, 但阿太說:「全部一樣呀?? 不如我食紅豆布甸+日式糯米糍+雪糕($80)啦」


如果以賣相, 就一定是有金箔紅豆取勝, 但味道的話, SY:「又有抺茶雪糕, 又有我最鍾意嘅蕨餅...我哋嗰杯好食好多」


我:「可能我唔鍾意食紅豆, 淨係個抹茶布甸已經要豎起手指公啦」


Bar Umami 外有一個露天的小池塘, 池塘內養了5頭小龜, 及大批錦鋰, 小朋友可向工作人員取飼料, 餵魚餵龜.


工作人員:「由E家到8月底, 小朋友仲可以有一個畫龜比賽, 贏咗可以有$500餐飲禮卷呀」


SY:「不過, 我視藝好差喎...(我:咁你仲想唔想食抹茶布甸雪糕蕨餅?)...」於是有小朋友又很有耐性的畫龜了.


晚餐我們走到酒店3樓的南坊吃中菜...而店員說:「暑假我哋有一個水果Menu, 你可以睇睇...」  


對於中菜也只是光顧街坊酒樓的鄉里仁來說, 今次絶對認同"一分錢一分貨" 的道理.


用雀巢盛著的「蟹肉釀荔枝」 $208, 我最初也以為普通貨色, 誰知這就是今餐最好食, 最出色的一道主菜.


SY:「真係有一粒荔枝係入面喎」, 我:「咬爆咗粒荔枝, 再混埋D蟹肉原來咁鬼夾, 咁好食」


不過, 附送的酸甜檸檬醬, 經我分析, 絶對是用來點雀巢, 如果伴炸蟹球的話, 實在太浪費了.


蟲草花菜膽燉竹絲雞, 及 竹笙牛肝菌燉螺頭 (各$168), 如此價錢燉出來的湯已經非常鮮甜.


不油又夠入味, SY:「雞湯好好」, 我:「兩碗我會揀燉螺頭, D螺頭燉到幾乎唔駛咬咁腍, 而且我又鍾意食竹笙」


阿太:「D湯咁貴真係味道都唔同D, 好飲D」


而蜜糖青蘋果炒鴕鳥肉($208), 有部份鴕鳥肉超腍, 不過間中2-3塊略嫌帶點筋...不過青蘋果沒有荔枝般搶鏡.


SY不停食菠蘿船雞粒炒飯($218), 因為炒得非常出色, 大量菠蘿肉之餘, 飯炒得非常乾身, 而且絶對不油...我個人覺得難度分9.8分之作.


而過了一晚夜之後, 我們又再重返Bar Umami 吃日式午飯...飯前SY問:「我可唔可以餵多一次魚?」(工作人員又再為他準備了魚糧..)


我問工作人員:「怕唔怕D細路將D魚餵得太飽」, 店員:「放心, 我哋周末專登畀大家去餵, 所以我哋就唔餵, 同埋我哋畀你哋嘅份量都係少少嘅啫」


今日的午餐, 絶對是阿太的上魚生飯 $370 較SY的鰻魚飯 $290吸引...阿太:「D刺身真係好肥美呀!」


SY:「我鍾意食鰻魚喎...如果我知道有咁靚嘅鰻魚飯, 我哋應該早D嚟啦」(頭先唔知邊個話要去玩多幾次車先食飯呢?)


又生果, 又沙律, 鰻魚飯都附有3件厚切刺身, 而且還有個小池塘陪伴進餐, 其實, 這個價錢, 真的連元朗丼家也是差不多, 酒店喎...食得過, 食得過!


南坊
地址: 薄扶林數碼港艾美酒店3樓
電話: 2980 7410
時間: 12:00–14:30, 18:30–22:30


Bar Umami
地址 : 數碼港艾美酒店大堂
電話:2980 7406
時間:12:00-00:00


大仁生活facebook



沒有留言:

張貼留言