海港城又有新日本料理開幕, 今晚一家三口望住維港嘆「美人鍋」, 果然心情都又美麗又涼快.
日本宮崎著名連鎖居酒屋塚田農場, 進駐海港城LCX樓下, 雖然略嫌地點有少少偏遠, 但因為宮崎美食實在太出色, 反而覺得有點世外桃源感覺.
這間居酒屋, 標榜「美人」做賣點, 有美人鍋、美人卷，美人甜卷...阿太:「食咗唔通會變美人??」
美人是如何煉成的呢? 當然「防腐」是最重要, 這裡的美人鍋($320/2人用), 用雞骨烹煮 8個鐘而成, 由店員端上枱時, 還是凝固著震騰騰的狀態.
SY:「個湯一舊嘢咁嘅?」因為我們還未開電磁爐, 只要大約2分半鐘, 充滿骨膠原的湯底便會完成溶化成超濃味超漿口的骨膠原雞湯...正! 正! 正!
店員:「我哋會幫客人將所有配料放入美人鍋, 客人只係需要落最後的彩色蔬菜就可以」(正呀! 由專人服待, 坐著等食, 我最喜愛)
雞肉, 手製雞肉丸, 豆腐, 蔥卷, 日本蘿蔔片, 還有本地雞髀一大隻.
我問店員:「湯底可唔可以添加呢?」, 店員說:「我哋試業期間都可以, 之後就要視乎情況而定...」
雖然, 我覺得湯底超濃味...可能是雞的精華, 所以我愈飲便覺得口唇愈被膠原所黏著...非常滿足.
因為美人鍋湯底超濃, 所以, 任何配料加進湯內一滾, 即時加上20分...
另一邊廂, 洪洪烈火的在炭燒走地雞~鹽味$180...如果震撼, 沒有理由不去拍攝呀!
原來, 炭燒走地雞 ($48) 是塚田農場的招牌菜, 廚師會贊三次雞油, 火焰先鎖住肉汁, 再將切粒的雞髀肉燒至炭香.
夠鑊氣, 鹿兒島走地雞, 肉嫩又彈牙, 再配上一杯荔枝西柚啤酒, 真的一流.
SY:「爸爸...真係喎...燒雞好食過放入美人鍋隻雞架...」(原來, 小朋友真的識食喎...因為跟美人鍋的雞是本地雞呀!)
店員推介我們吃「鰻魚忌廉芝士($48)」 美人卷, 因為在日本No1人氣...由越南春卷皮包裹芝士, 鰻魚, 生菜, 雞蛋...
SY:「其實, 唔點鰻魚汁都好好食」, 阿太:「好啱夏天食...好清新爽口」
臨走前, 當然要走出露台拍攝一張維港美景....我問店員:「出面咁熱都開咩?」, 店員:「秋天之後先會開呀...E家你哋可以隨便照相」
其實, 以塚田農場的價錢, 店內一半位置都可以望到維港景色, 高級餐廳氣派, 食物質素又高....
就連SY也說:「爸爸...我哋下次都唔好去排溫野菜喇, 嚟E度食仲好」
地址: 尖沙咀廣東道17號海港城海運大廈2樓OTE 202號舖
電話: 2467 0777
時間: 12:00-23:45
沒有留言:
張貼留言