《反斗車王》原來已經去到第三集....而最愛逛商場的我, 今日又帶同SY齊齊到又一城玩暑假重頭活動...當然就是《反斗車王 3》呀!
活動分了層, 當然中庭就是爸爸, 媽媽的影相區, 各位父母紛紛叫子女:「快D上去同反斗車王影相啦...快D上埋黃色個架度先啦, 黑色嗰架都影埋佢先。」
但其實, 我想問:「人哋專登做高個台放三架車, 係唔係真係可以人人企上去影相嘅呢?」
在場有一個即影IG相片的服務, 一年前開始, 不少商場也加入這個免費印相服務, 很不錯呀!
至於小朋友, 我估計大部份不愛被拍照, 因為我見每位見到反斗車王玩具, 不停玩, 笑著玩的眼神, 精彩過剛才大人叫各位作7號表情的樣貌囉.
1:1 《反斗車王》角色模型展覽旁邊就是Pop-Up-Store, 紅色是非常吸引的, 幸好我不是Cars 粉...可以無慾無求的逛限定店.
魚子媽望到可以自製名字TEE, 很興奮說:「我想整呀! 好靚呀!」
我望一望價錢:「$269, $239喎, 款式SET好咗, 只可以印個名咋, 我就麻麻地」
店內有哥哥示範Sphero 出品的智能麥坤遙控車. SY及魚子醬極渴望的想哥哥借出手機給他操控麥坤.
我問:「我睇網媒講話口又會郁, 眼又係LCD又會郁, 咁E架車幾多車呢?」
店員:「$2499, 可以用手機搖控呀!」
我:「嘩! 2千蚊咁貴呀! 買嚟畀小朋友撞...不如都係魚子媽你買, 買咗借我玩吖...好唔好呀?」
魚子媽答:「咁不如我哋上去樓上打PS4啦!」(哦...好啦)
走上G 層, 遠遠便見到一部黃色的舊車頭, 我大叫:「SY去同架黃色怪物影張相吖」
SY大聲答:「頭先姐姐介紹, 佢叫做校巴姐呀!」, 同樣的..小朋友們還是愛玩旁邊的PS4多一點...
不過子子及SY玩了一局便放棄了, 轉到旁邊的小型遙控車操控反斗車王們...我問:「你唔玩PS4啦」
SY:「好難玩, 好似屋企部Mario Kart 好玩D」
最後, L2 層設有反斗車王貼紙機, 兩家人合作影一輯貼紙相....
我說:「點解個格局咁似上年Tsum Tsum呢?」魚子媽:「係囉! 換咗反斗車王做主角囉」
SY 及子子沒有理會我們, 一心一意雀躍的等待貼紙相「彈」出來...
至於兩位小朋友十分渴望得到的手動轉盤製造的銅幣機, 因為機器故障, 小朋友只可以扮轉軚盤, 而不會有銅幣.
SY:「真係唔開心...上年又壞, 今年又壞」
最後, 我問:「咁你覺得今年Cars好唔好玩吖?」, SY:「好玩...搖控車好玩, 最好玩可以同子子一齊玩...」
日期：7月1-31日
地點：九龍塘又一城
(LG2層、G層、UG層、L2層)
大仁生活facebook
沒有留言:
張貼留言