2017年7月14日 星期五

【免費打街機】玩盡「街頭霸王」30年 @ 我要出波動拳

原來1987年第一代街霸推出的時候, 機舖的按鈕是兩個大氣鼓, 而不是3拳, 3腳的計設...這是信和電氣良品老闆文哥話當年時說的.


今日帶SY去新蒲崗看Street Fighter30周年展覽, SY:「爸爸! 咩係街頭霸王啫?」


我答:「總知有得免費畀你打遊戲嘅地方啦...」SY:「好呀!好呀! 我最鍾意打遊戲機呀!」(希望你唔會覺得老套啦)


一走入場內, 一台巨型3D立體街機擺設就在眼前...SY:「可以走入去架」, 我:「出緊昇龍拳嘅叫阿Ken呀!」


而阿龍當然就在出波動拳啦, SY問:「咩係波動拳呀?」, 我:「即係龍珠悟空出龜波氣功一樣咁嘅手勢囉」(一講悟空, SY就明白晒喎)


旁邊有中國代表春麗, SY:「有部單車呀」(當年大陸人個個都揸單車呀!)


其實, 點解1:1打造出來的春麗, 她的大腿好像較我腰還要粗呢?


春麗的腳前指著的, 便是全新角色Kolin, SY:「佢好似好凍咁, 著咁多衫」(俄羅斯係比較凍D啦)


而SY一早已經被街霸II旳街機深深吸引了過去, SY:「爸爸...同我打啦」


雖然SY不懂出波, 又不懂昇...但都可以將我打敗, SY:「走近D亂打就得啦, 唔駛要出大技嘅」(真係盲拳可以打死老仁呀)


有人不捨得離街機的位置, 於是只有我去聽信和文哥話當年.


文哥:「E啲VHS錄影帶就好似今時今日嘅YOUTUBE囉, 睇返當年教大家嘅秘技囉」


「街霸」經典還有很多, 文哥說:「E套SHARP 68000電腦代的磁碟, 當年9600Yen, 我要買2盒先齊得返齊一套.」(25年前的磁碟都仲用得??? 日本仔嘢真係犀利喎)


街霸期間限定店, 連同任玩街機只限星期六、日開放. (SY: 吓?? 平日無得打機呀?) 而商場限定淺藍色衫阿龍, 則購物滿$2000便可免費換領一個.



《Mikiki x Street Fighter熱爆30年》
日期:2017年7月17日至8月27日
地點:Mikiki地下中庭(新蒲崗太子道東638號)
時間:上午11時至晚上9時



大仁生活facebook

沒有留言:

張貼留言