2017年7月27日 星期四

【12展區靚到爆】57年Sanrio精品任你睇 @ 澳門

Sanrio 今年不在香港舉行年度展覽, 改了在澳門展出「Our Sanrio Times」....我要過大海找布甸狗, 大口, RuRu, Keroppi, TwinStars, 士多啤梨頭.... !!


15個CheckPoint, 超過400件歷年珍藏, 單單就是大門口就己經可以花你15分鐘左影右影. (門側的布甸小菊花就已經夠迷人呀!)

當你一走入第一個情景, 「Sanrio 時光隧道」, 我已經嘩嘩嘩得合不上口.


牆上, 地上全部由70年代到現在的100個SANRIO家族成員....救命呀!! 好靚呀!


牆上有多個Display 玻璃窗, 放了各位成員的歷年文具...RuRu鏡, 大口水壺我屋企仲有喎....


原來, 雷神連結他也有出過??


不過, 數到最代表性的Sanrio產品, 原來就是這個1975第一件出售的Hello Kitty 小銀包. (老老實實, 若不是有簡介, 我也奇怪為它會獨立展覽出來.)


看過最小的銀包, 之後大家要有心理準備狂叫狂呼大嗌! 「嘩! 咁大隻Hello Kitty嘅??」


由一隻3.5米高Kitty, 帶領著2000隻Sanrio毛公仔, 第二個必要找來合照的...不用說, 一定是布甸啦...


之後再慢慢找你自己心水的選擇. 第三大Size就是Melody 及玉桂狗. (因為數量已經贏晒, 所以即使全部都係新款, 我都好收貨呀!)


「公仔紙變變變」是以Little Twin Stars為主題的房間...在房間盡頭的兩位主角真的可以給你換磁石衫呀!!


全部仿照從前Sanrio的公仔紙, 還原成放大版的場景, 這個夠簡單, 可以作為一個緩衝區.


因為, 之後的「懷舊文具屋」同樣可以令你睇足半個鐘.


7、80年代的文具, 經典木鉛筆, 鉛芯筆, 原子筆...當你將過萬枝筆堆在一起, 要找從前擁有過的, 己經好好玩.


懷舊文具應該是給我們叔叔, 姨姨慢慢欣賞的.


當年的水怪, 馬騮, XO, Keroppi擦子膠簡直可愛到死!


點解Sanrio 有 Snoopy的呢??


「手繪展覽室」展出的40幅並非影印本, 而是從Sanrio日本總部借出來的真跡.


那布甸狗精品手畫圖畫, 好靚呀!!


還有9幅是日本設計師特地為今次展覽親手繪畫的手稿! (完咗展覽可唔可以攪一個抽獎活動呢? 大會考慮一下小弟意見吖)


看完手稿, 就有機給大家發揮藝術天份, 之後的繪畫教室, 有短片教你畫多位家族成員...最開心當然就是連大口仔也有教你畫.


而最好玩, 就一定是可以用$69, 購買布甸狗DIY石膏公仔套裝, 有筆有顏色, 自己設計一個全新形象的布甸啦!! (我想佢扮幪面超人囉)


若不是有工作人員告訴我, 我也不知道氣球旁邊展示一系列的小玩意是甚麼.


原來, 這些就是Small Gift Big Smile...工作人員:「每人到日本Sanrio買精品時,  包裝袋上都會貼上1份小禮物,  這是傳統要畀大家分享喜悅」


我:「吓? 我買親都係香港買, 難怪我從來唔知有小禮物E回事啦」( 又再一次証實...日本真係乜都好D嘅道理)


「友誼森林」有好多機關...我不逐一解破, 大家到時去找找, 你一定會回心微笑.


朋友Y:「哎呀! 頭先唔係工作人員講你知, 你都唔發現啦」(係囉, 鬼咁神秘呀!)


之後的「Sanrio小鎮」宏偉又夠童話, 大大部木製火車, 水怪就在木凳上等車, 好有故事性.


而我最愛的大口仔就坐在火車上, 等我來和他合照.


車站有一個大鐘, 可惜是假的, 如果真的可以計時, 應該會更加吸引.


站旁邊有一個模仿士多的角落.


當中的懷舊玩意一樣可愛, 士多玩具絶對最有集體回憶的價值.


離開車站, 就是拍照區, 你可以揀Melody, 或者Kitty來合照.


個仁覺得Kitty影出來靚少少. (成為士多啤梨新聞的封面人物, 盛為$80)


旁邊有一個「士多啤梨新聞室」, 士多啤梨頭就在房間等你SayHi. (原來, 她比Kitty仲要老喎)


新聞室更加收藏了歷年經典的Strawberry News (士多啤梨新聞), 真的可以任睇任摸, 因為工作人員已經完美包膠. (我都睇到唔願走!)


最後就是臨離開前的「Sanrio遊澳門」, 唱歌啦...大三巴、觀音像、媽閣廟,景緻真優美!!


以澳門特色景點作為背景, 不過, 如果可以做得更3D會有一個更完美的結束囉.


有展覽就當然有Pop-Up-Store, 帆布袋 – $149, 筆袋 – $48, 這是會場限定.



而我則買了一堆布甸, 帶回給留在香港的SY...今次的Sanrio 玩那些年, 玩懷舊, 玩集體回憶, 全部都是我杯茶, 正到爆, 靚到喊!!


「Our Sanrio Times」展覽詳情
日期:7月28日至9月3日 時間:星期一至四:上午10時至晚上8時 (星期五至日開放至晚上9時) 地點:澳門新濠影滙8號轉播廳 正價門票 150元 優惠門票 90元 購票方法:Our Sanrio Times官方網站 (www.oursanriotimes.com)



大仁生活facebook

沒有留言:

張貼留言