2017年7月4日 星期二

【室內放遙控船!】霓虹招牌+10檔土炮小食@九巴博物館 D2 香港掂檔

以我一個十分喜愛「集體回憶」的大叔, 有時也覺得周圍的活動, 一沒有橋就攝「懷舊」做主題, 有時真的玩得頗「肉酸」



今日帶SY去我們熟悉的D2 Place, SY:「又去呀? 今次去嚟又玩咩呢?」


老師教我:「做人就要放大別人的優點 !! 」所以, 我第一時間便答SY:「可以去放遙控船喎!」



從未玩過遙控船的SY很興奮:「好似遙控車咁玩架?」, 我:「未去玩船之前, 你跟爸爸上去天台影D相先啦」



因為D2 Place於10樓天台, 做了6個潮語霓虹燈招牌, SY望著霓虹燈問:「爸爸...佢哋咩意思, 點解呢?」



新舊結合, 是好? 是創意? 還是不文不類? 我不知道. 但我的感覺不太強烈, 反而如果可以打造出一個80年代的九龍城天台...可能更有情懷.



小朋友:「爸爸...你影完未呀? 又話玩船...我好心急呀!」,, 連我自己也不感興趣, 小朋友望著「食好西」當然也想儘快離開!!



於是我們走落二樓的夏日遊樂坊...小朋友一發現大大個水池, 還有姐姐在玩超高速的遙控船, 已經大叫:「爸爸...我去玩啦!」



如果, 這個水池設於天台...那真的十足十當年維園放船仔的感覺呀!



SY:「遙控船真係好玩過車好多, 好多...」, 我:「E ~ 你反咗船呀!」, 工作人員幫手夾起遙控船...小朋友繼續玩...但不久便傳來B...B...B...B聲



工作人員:「唔好意思, D船無電啦, 我哋要叉電, 可能要叉90分鐘....」SY很失望:「即係無得玩呀?」



姐姐:「你可以過隔離玩遙控車呀!」, 不過, 可能因為車比較難操控, SY玩了3分鐘仍然未能前進, 於是又放棄了.



旁邊還有兩個遊戲, 一個是給打工一族發洩的, 辦公室掟波波...



我:「你又唔係打工仔, 唔駛掟啦...」 SY:「扮返工都得啦, 掟波之麻...人人都掟得啦」(計我話, 如果是課室掟粉刷, 氣氛可能更加好)



當大家發洩過後, 還有射擊遊戲, 一口氣射到貨櫃碼頭內5粒敵人就可以贏到公仔...SY今日也算很有手神, 得到一個小公仔.



現場還有一個「九巴 Pop-Up Store」, 有小部份歷年的九巴藏品...木製收銀架, 司機帽, 員工章, 舊照...



SY:「E個入錢箱唔係E家都用緊咩... Van仔都用佢架啦」(可能E款係最老, 元祖級呢...我又唔係巴膠, 真係唔識)



現場真的有位巴膠問工作人員:「E部200賣唔賣呀?」



工作人員:「未開始賣住, 你真係識貨, E部80年代啟德機場巴士, 要遲D先有得賣」, 我心諗:「真的很有Feel, 如果有得賣, 我都想買返一部.」



玩完, 影完, 又到醫肚時間...這裡的「24°C風味」小食街, 一共有十檔土炮小食...



Deluxe Bakery的Karen 說:「試吓我哋個懷舊三角蛋糕 ($8)」, 我:「唔係美心都有得賣咩?」



Karen:「要老舖先有, 九龍城豪華都仲」, 我咬了一口:「真係畀美心西餅有質感, 連D朱古力忌廉都香D, 滑D喎」



另一間專賣梳特飲的攤位, 他們的Pinky Promise ($30) 荔枝口味, 較Blue Monday青檸味 ($30)更吸引我... SY:「爸爸! 我想同你交換, 好唔好呀」



糯米飯雞翼 $30, 燒雞翼入面放入大量糯米飯...



朋友Sammi說:「真係好黏..但佢又無我哋食糯米飯嗰種味道...(咁好唔好食呢?)....係特別囉...新口味囉...」(明白晒)



夏在有冷氣涼浸浸, 又玩又食...齊齊過荔枝角放船仔啦!!


「香港掂檔」大型市集及遊樂坊
日期:2017年7月1日至8月31日
時間:中午12時至晚上9時
地點:D2 Place一期2樓THE SPACE及天台花園 + D2 Place二期2樓THE LABS (免費入場)



大仁生活facebook



沒有留言:

張貼留言