【救救Minions】過5關贏禮品~潛行Despicable @青衣城

今日超開心, 因為可以帶SY去見偶像~Minions...SY:「爸爸! 會唔會見到鬍鬚柏呀? (乜你好鍾意佢咩?) 因為我想食吹波膠呀」

原來, 今次Minions 潛入青衣城是要我們幫忙拯救這班黃色迷你兵團出監獄喎.

成功過關完成任務更加會有禮物可以換領...SY:「爸爸!! 不如同咗隻巨型Stuart 影相先啦」

我:「其實, 你點認得出佢係Stuart呢? (SY: 得一隻眼, 又O大口就係佢) ...咁都畀你記得, 好嘢喎!」

任務1 : 壞蛋兵團絕地逃出任務 (須換領遊戲護照才可參加)

最初小朋友不知道原來要在迷宮內找壞蛋印章, 他很快走了出來....我說:「你都唔記得吸印...」

原來, 迷宮秘道內有三個壞蛋印章, 完成任務後會再多一個.

在迷宮內SY說:「原來D牆畫咗D公仔喎...」, 我:「係喎...幾似你平時畫嗰D火柴人...哈哈!」

任務2 : 獎門人極速大冒險 (須持有遊戲護照才可參加)

SY:「爸爸! 快D嚟啦...可以射槍呀」, 我問工作人員:「係咪射紫色D燈呀?」

工作人員:「唔係呀! 你要射中D槍...」, SY:「姐姐!紫色嗰D係咪鬍鬚柏嘅吹波膠呀?? (係呀)」(我: 點解你會認得出嘅)

完成任務又多一個印章!! Yeah!!

任務3: 惡人波士大廳  (MSmart 500 Fun 換領一張紋身貼紙)

16款壞蛋貼紙, SY揀了犀利哥配Minions, 我:「你又話鍾意鬍鬚柏?」, SY:「因為鬍鬚柏都無Minions」

而我則揀了玲玲配Stuart, 我對工作人員說:「印臉得唔得呀? 」, 工作人員答:「得!! 硬係得啦」(嘩! 忽然覺得自己有型咗好多咁呀!)

註:印上貼紙~記得拿著護照找工作人員蓋印呀!

任務4: 古古惑惑「扮」公室 ... SY:「哎呀! 一路去廁所, 一路睇書會便秘喎, (你點知嘅?), 電視教嘅!!」

SY:「原來, D水管都可以郁喎...爸爸! 原來頭先係唔啱架, E家先啱」

任務5: 迷你兵團拍照區 , 小朋友也扮坐監大叫:「我係核心成員001」

SY:「點解「扮」公室 同E度無得揼印嘅?」, 我:「無架...E兩個係影相區咋...我哋儲齊6個印啦...(SY: YEAH!!)」

今日, 非常興奮, 因為可以跟 Stuart 及  Kevin 集郵...SY:「爸爸 ! 你估一陣有冇犀利哥同鬍鬚柏吖嗱」

我:「今日無喎, 要等到7月2號, 同9號先有喎!」SY:「咁..爸爸! 2號可唔可以帶我再嚟呀? 我想同鬍鬚柏跳舞, 食吹波膠」(我覺得你想食吹波膠多D囉)

MTR Malls x《壞蛋獎門人3》潛行拯救大行動Mission Despicable
日期: 2017年6月25日至 9 月3 日
時間:中午12時至晚上10時
地點:青衣城1樓夢幻島大堂


迷你兵現身集郵
7月2日 : 13:30-14:30 / 15:00-16:00 / 16:15-17:15
7月9日 : 13:30-14:30 / 15:00-16:00


大仁生活facebook