2017年6月30日 星期五

【Kumamon 晒冷店】大大熊掌包~即叫即製~熱辣辣

油麻地家樂商場與公園仔中間的空地, 愈來愈營造出日系感覺, 記得半年前的出前一丁Pop-Up之後, 今次更加帶來部長坐鎮賣精品.


今日SY放假, 當然兩父子齊齊出動去拜見部長啦!! 我們在潮特轉向家樂, 在對面馬路, SY已經大大聲說:「嘩! 好大個Kumamon頭呀!」

一步入Pop-Up-Store, SY已經問:「爸爸...點解咁香?」, 我話:「有味咩? 我都聞唔到...」, SY:「唔係喎, 嗰度有得食叉燒包呀!」


店員姐姐走來:「唔係叉燒包, 係熊掌包 ($39) , 你可以揀 雞肉, 或者豚肉, 仲有熊本秘製燒汁」


SY 點了豚肉, 店員以熟練技巧配入大大塊生菜, 豬肉加醬汁, 送去給小朋友, 我:「近近地我又真係聞到好香喎!」


店員:「如果你想要埋個Lunch Box 都係$89蚊啫...」, SY:「爸爸, 我淨係食包得啦, 唔食飯」(小朋友, Lunch Box 真係得個吉Box, 無飯係入面嘅, 唔駛驚)


SY:「爸爸, 你要唔要試吓..好香好多汁好好食架...」


其實, 我已經被部長的產品吸引著...那個可愛造型的水壺(有O咀, 笑口兩款) $249


SY:「爸爸! E個上鏈會行路仲得意啦...哎呀! 佢撞到佢D同伴呀!」($69)


地上有一個人人隻Kumamon, SY二話不說攬著他...我走去看一看價錢...


「嘩!$1899呀...小朋友, 你都係唔好掂啦...人哋仲要預訂先有貨」


SY:「咁坐吓得唔得?」, 我:「E張凳D木真係幾靚喎...」, 店員:「E張凳$2699, 如果都係暫時要預訂」(嘩! 囝...乜你唔貴唔嘅?)


不如, 我們揀選一些又便宜又實用的物件啦...例如一大一小背囊, 可以當父子裝也很不錯喎.



小小的草地襯和風小木屋, 還有大大隻浴衣部長在大門口迎賓...聞說下個月更有特別限訂品陸續登場...正呀!! (下圖為後面)


熊の夏日祭
日期:7 月 1 日至 8 月 31 日
時間:中午 12 時至晚上 10 時
地點: 油麻地登打士街家樂坊地下



大仁生活facebook



沒有留言:

張貼留言