2017年6月27日 星期二

【酒店都有Food Court】海景‧LiveBand‧足球機 @ 紅磡

紅磡碼頭對面的嘉里酒店新開張, 最特別就是內裡多了一個2萬呎Food Court... SY:「嘩! 爸爸...酒店食嘢好貴架喎」


我:「其實係酒店...入面個Food Court, 如果唔係落雨仲可以有無敵大海景, 不過, 今日唔好天, 落雨無得坐出去囉!」


走入Food Court 非常工業風, 而且更有桌球, Live Band, SY:「我想玩足球機...」


海景位置沒有開放, 唯有走回室內. 我問工作人員, 原來足球機$20玩半小時, 桌球則$50玩半小時, 我對SY說:「我哋食飽先玩啦」



正當我們研究食物之際, SY走了前面枱的一對男女處, 大叫:「哥哥, 姐姐...乜你哋都嚟E度食嘢呀?」


今晚竟然撞到小荒糖與傑傑在拍拖...我最愛當電燈泡呀! 所以, 便老實不客氣的來一次4人飯局.


這個Food Court 除了到指定收銀處點餐外, 更可以下載手機APP 遙控下單...小荒糖:「咁麻煩...自己出去叫就得啦」


我們剛剛坐在LAB檔位前, 發現她們有大大個漢堡包, 店員推介「Rough Camper $88 有兩塊大牛排菇, 我幾鍾意...」


於是我們首試的便是巨型草飼牛肉+車打芝士煙肉漢堡. 小荒糖:「出煙架...熱辣辣架」


中間夾入兩大塊壓扁了的菇, 吃入口又感覺不太膩...小荒糖:「E啲菇, 平時百佳都要賣$50兩塊架喎...不過我覺得個包D味似麥當勞個磨菇包喎」


雖然我覺得用料不錯, 略嫌如果可以多加一片菠蘿, 配薯條或飲品, 一定會吸引得多.


之後, 我們走到BOBBY BOX 看韓式輕食便當...三位Oppa竟然又略懂廣東話...


SY:「哥哥, 請問邊樣好食呢?」Oppa手指著不同飯盒答:「E樣好食...E樣好食...E樣好食...E樣好食...」(即係全部都好食???)


STEAK BOX 醬牛排盒飯 $68... 我認為最貼心的是韓式泡菜辣醬分開上, 那小朋友也可以安心食飯...


SY:「D牛肉汁好好味呀!」小荒糖:「我最鍾意佢E啲小脆脆...(我:咩嚟架)」, SY:「用放大縮小槍照過嘅薯條囉」


其實, 這個飯盒非常健康, 因為配備大量椰菜...不過傑傑說:「好似細盒咗D喎...SY食就可能飽」


真的沒有錯...好味道, 可惜份量就是細了一點...可能跟店名有關...因為她們叫「輕食」呀!


接著便到MADE IN INDIA 的精品牛油烤雞咖哩 $68...可能放了不少香草...SY:「我好驚呀! 有D似上次妖怪手錶D鹹魚煲...我唔食呀!」


的而且確這咖哩的味道十分似曾相識...我說:「好似大快活嗰D味道呀! 不過, 我好少食大快活, 我情願大家樂好食D囉」


傑傑:「椰香味係勁嘅咗D, 但其實D雞都OK嘅 , 不過, 真係似阿活咖喱...可能係同一個供應商呢!」


最後, 我們KO了整碟印度薄餅及雞....咖喱還是原封不動在膠碗內.


吃過鹹點, 便輪到甜食...小荒糖:「E隻阿華田朱古力 $48 幾得意喎...」而我則點了朱古力千層蛋糕$48


傑傑:「E個真係阿華田?? 我以為係飯糰」, 小荒糖按下膠管:「D阿華田係凍架...但係E舊嘢咁似米通嘅?」


其實, 就是硬實實的米通, 混入朱古力, 中間夾了一層朱古力慕絲...可能我一向不愛吃米通吧...


小荒糖:「自己唧D阿華田係好玩, 但E舊嘢笠黐黐, 我覺得如果自己整一定好食過佢」
至於我點的朱古力千層蛋糕, 竟然好評如潮...全枱4人一至裁定千層蛋糕好食過米通多多聲...


SY:「總知叫兩個千層蛋糕仲好...」小荒糖:「係囉...佢一層布朗尼, 一層CREAM, 口感質感都唔錯...又唔會太甜...好食」


吃飽後, 我們便付了一百元按金, 去玩足球機...SY:「我哋玩完足球機, 就玩桌球啦...」


我:「你識篤波咩? 玩完20分鐘, 都11點Lu, 係時候返屋企啦...唔係媽媽又大發雷霆喎」


結果, 我們在Live Band 演唱下, 興高彩烈的大戰了一場...結果, 我跟小荒糖的一隊敗...


我們約定下次再來玩過, 或者下次就試餘下的6檔食肆啦!



Dockyard 百味村
地點: 紅磡灣紅鸞道38號嘉里酒店1樓
電話: 2252 5228
時間: 11am-1am


大仁生活facebook


沒有留言:

張貼留言