2017年6月29日 星期四

【土炮Crossover】免費送紅A烏蠅拍‧綠寶雪條!公利蔗汁手工啤!

趁著回歸20年, 今個星期特別多集體回憶, 而PMQ更加玩Gimmick...玩Crossover, 將新舊本土土炮品牌新舊合併...好嘢!!


「阿波羅」雪糕與欣宜「Homie Cookies」新推出雪糕三文治, 其實欣宜真的很會做宣傳...因為我問邊一款味最夾呢?


欣宜如數珍將全部產品...我:「咁即係全部囉?」, 欣宜:「所以記得同多D朋友嚟試晒佢啦!」(~金牌Sales~)


大家記得去「紅A」攤位Like FB 玩揼波遊戲...因為大大個桶, 細細個波, 一定贏.


勝出可以得到復刻版紅A膠烏蠅拍, 必玩必有, 我手握獎品對朋友說:「當年屋企真係用佢打烏蠅呀!乜原來無出喇咩?」


「R8」就在紅A旁邊, 他們又有免費洗波鞋服務, 當然要Like 他們FB呀!


第一次找師傅洗波鞋, 原來真的洗到起泡, 而且真的立即變白喎! 勁~


「公利蔗汁」就在PMQ樓下, 我經常飲...而「麥氏釀酒廠」的手工啤, 我一年前已經認識其中一位負責人阿波. 但想不到他們會合作.


我問公利第四代傳人阿Ben:「你同阿波一早識?」, 阿Ben:「唔係呀! 今次大會撮合我哋」


我試了非常解暑的冰凍蔗汁手工啤酒後, 我問:「點解D蔗汁唔係好出?」 阿Ben:「其實己經好濃味」


波:「如果蔗汁再濃, 糖份再高, 酒精會被搶高好多, 所以E家係最好嘅比」(真係又學到嘢! $50/支;$60/杯)


「HK Vinyl Records 唱片」本來在觀塘開業, 這幾天亦會來坐鎮PMQ, 嘩! 原來一隻Sammi , 劉美君要$1800, 但係哥哥為妳鍾情只係$750.


關淑怡夜迷宮$450...我問負責人:「點解哥哥隻碟平咁多嘅?」, 負責人答:「數量多就平, 少就貴囉, 就係咁簡單」


市集紅人「美樂士多」今次聯乘「NICE POPS」出綠寳橙汁雪條. 雪條 $35/支
Patrick:「我哋仲特登做埋個雪條套, 因為以前真係要吹一吹個雪條紙袋先可以攞條雪條出嚟呀!」


我:「聽講你好鍾意甲蟲車喎, 所以專登成架噴成綠寶色呀?」


Patrick:「唔係呀! 佢本來真係橙色, 其實我第一部買嘅車就係甲蟲車, 所以鍾意, E部好老架啦..1973年」(嘩! 我可以走入部車扮揸車呀..原來入面唱機係插錄音帶架..好有Feel呀!)


「坤記竹昇麵」X「Mr. Porky」脆豬皮竹昇撈麵 $30, 我問:「點解無湯嘅?」


負責人:「你食完先..之後返嚟問我攞D大地魚湯...我哋煲咗好耐, 因為我哋撈麵 加咗蝦籽, 唔會放湯, 因為會沖走晒D蝦籽...」


今次再加入脆豬皮, 的確脆岳岳, 不過, 我嫌太乾, 還是最後問店家拿湯好食好多.


「Boomshack」的鹹魚肉餅漢堡 $70 ....鹹魚肉餅飯吃得多, 變做包真的第一次吃...


有冬菇, 有荷蘭豆, 有秘製醬, 少少辣, 鹹鹹地...雖然 , 我很愛香煎過的牛油包, 不過, 我自己覺得鹹魚肉餅還是配飯夾得多.



還有「林記懷舊小食」的飛機欖, 負責人二話不說給我親身示範, 他說:「但你要走上樓上先得話, 不過我最多掟到3層樓咋...」


原來那個度身訂製飛機欖非常重身, 今日真的辛苦晒阿Jack...


「I-M-AGE PLAYGROUND」還有懷舊照相館工作室, 即場影一張8”x10”黑白相片, 之後便可以跟老師去黑房自己學沖印.


顯影, 定影, 黑房運作大約要個多小時....可惜我今日沒有時間, 所以影完的扮懷舊影樓照, 沒有辦法曝光...



一連四日...來免費贏支復刻烏蠅拍, 齊齊感受新‧舊香港的美啦!!


「I-M-AGE PLAYGROUND」黑房工作室
 每節最多6組 (親子2人為一組) 
費用 : $380/組 (如親子2人為一組) 
(包括導師費,一張120底片及一張8”x10”黑白相片) 

「世代同撈@Mart Box」
日期 :6 月 29 日(四)至 7 月 2 日(日)
時間 :中午 12 時至晚上 9 時
地點 :PMQ 元創方地面廣場


大仁生活facebook


 

沒有留言:

張貼留言