其實, 嚴格來說又真的不似打邊爐, 而是將整份甜品大餐, 全部混入棉花糖, 慢慢嘆住燒.
SY:「畀我燒, 畀我燒!!」有得玩, 這位懶玩的小朋友已經開始失控！
店員姐姐:「最好就燒咗個焦糖海鹽朱古力脆脆雪糕先, 因為怕佢會溶」(我最初以為係Brownie)
結果, 小朋友就直接食一個幾乎沒有燒過的脆脆雪糕棉花糖, SY:「爸爸! 真係有雪糕架...朱古力又鹹鹹地, 又有好多脆脆, 真係好食呀!」
其實, 大餐還有士多啤梨, 藍莓, 不過不吃水果的小朋友不感興趣...只是把士多啤梨放在檸檬曲奇撻內, 注滿朱古力醬...
之後對我說:「爸爸, 我特別為你而造呀! 美味朱古力士多啤梨....」(咁都得...玩就你玩, 玩完自己又唔食???)
店員姐姐:「其實, 食生果好好呀! 不如你試下燒藍莓吖」, 我:「其實, 我哋頭先自己試過, 好似捲D棉花糖」
店員姐姐答:「唔會喎...」, 並即場以竹籤為我們將藍莓捲滿棉花糖, 再燒至金黃色, 我:「點解你做得咁易, 同你可以燒得咁靚嘅?」
今次連SY也一口將極粒藍莓棉花糖食入口...SY:「姐姐燒得好硬, (我:硬?定脆呀?) 硬即係脆囉...總之就好好食啦」(E個囝...外人叫佢食生果佢就唔敢推人)
最後, 這位小朋友將整碗棉花糖一口一口的完完全全KO掉...我:「咁我嗰兩塊餅乾, 仲有咁大粒士多啤梨米無得燒囉」
SY繼續一邊食碗邊的殘餘棉花糖, 一邊答我:「爸爸你怕太甜麻...可以就咁食 餅乾, 同士多啤梨呀...咁就唔會怕甜啦」(你對我真係好呀)
沒有留言:
張貼留言