【洋腸自助餐】2.5hr~ 13款大肉腸任添任食

今晚走到屋企樓下的酒吧吃晚飯...阿太:「酒吧有咩食呀? 阿囝都入得咩?」

我答:「點解唔入得呀? 佢哋搞咗個$98香腸任食, SY咁鍾意食香腸, 啱晒佢啦」, 阿太:「咁攪笑, 香腸都有任食嘅?」

原來, 香腸任食會有13款不同種類的德國肉腸, 還有煙肉, 及沙律. 我:「嘩!咁真係洋腸自助餐」

SY:「咁多腸邊款最好食呢?」,  店員姐姐推介:「造牛仔腸嘅牛仔真係用奶嚟養大, 所以肉色淡白又比平時D香腸的少油」

店員姐姐跟我說:「紐倫堡腸好多人都讚呀! 」...不過, 我試食後, 可能我不太愛太多香料味道, 所以總覺得不是我杯茶.

最Juicy的一定是千島醬汁熱狗腸, 不過最有趣會是特濃芝士腸, SY:「嘩!真係可以"B"出咁多芝士呀!勁呀! 一放入口就感到好多芝士汁呀」

我:「E隻煙燻蕃茄腸一樣"B"出好多蕃茄汁, 我覺得正過特濃芝士, 事關無咁漏喎」

店員姐姐:「如果食得辣, 辣味愛美拿腸, 同辣肉法蘭克福腸都好正!!」

我:「真係喎...可能食得太多腸, 辣辣地仲醒神!」, SY:「好辣...好辣」, 吃了一口的阿太:「都唔辣...E...E...辣呀! 一吞就辣呀!」

阿太:「我都係食多D沙律, 你哋兩個食肉獸食腸啦...」, 於是, 我肯定今晚吃了全年腸的份量, 我估計我們兩仔爺合共吃了接近20條.

阿囝:「爸爸! 我唔食啦, 我諗我成個月都唔再食腸啦...」, 我:「咁呀! 下個月再食啦」

逢星期一至四(18:30-21:00)~公眾假期除外
$98/位，飲品另外收費，加一服務費

Bierhof
地址： 旺角界限街44號地下
電話：92266310 (WhatsApp)


大仁生活facebook