事實卻是我們第一次14:30去, 全店「空空如也...」, 我問:「通常你哋幾點會賣晒?」
店員:「一般一點幾就賣晒....(我:你哋開幾點?), 我哋開一點...」(吓??), 我:「咁可唔可以預訂?」
店員:「星期六, 日唔可以, 平日你可以早一晚WHATSAPP問聽日有咩口味」
於是, 前日, 我們12:50便慢慢出發到蛋糕店...離遠SY已經大叫:「嘩!爸爸...好多人排緊隊啦...」
此時為13:02, 我們是在人龍的第十二名, 結果本來有香芋, 榴槤, 美綠, 朱古力味千層蛋糕...來到我們付款時, 店員說:「E家我哋賣術3件抺茶咋」
就在13:18分, 當我們後面的客人連最一件抺茶也買了後, 後面本來有十多人的長龍又隨即消了. SY:「咁好生意嘅? 爸爸, 我哋快D返屋企食啦」
急不及待的小朋友望到翠綠色的抹茶...驚訝叫著:「真係流心喎...個蛋糕中間真係有D汁流出嚟呀」
阿太:「真係好香抹茶味喎...嘩! D抹茶夠晒甘, 夠晒苦, 啱晒我」, 我:「個蛋糕真係幾軟滑, 真係正喎」
SY:「佢D汁同啲CREAM甜甜地, D抹茶又苦苦地, 甜甜苦苦, 苦苦又甜甜, 真係好食」(其實...你即係無講過嘢)
阿太:「其實, 你應該買件LadyM, 同佢做個大比拼吖」(LadyM 七十幾蚊, 佢哋只係$32...唔駛比都贏晒啦, 而且佢仲真係唔差, 真心好得)
難怪19歲女就已經可以由網店賣千層蛋糕, 受歡迎到開到自己的實體店吧! 不過, 日日不停做, 做不停, 真的想躲懶一下也怕明天沒有出品, 壓力也不少喎.
SY一邊食一邊在數蛋糕的層數...我說:「不用數啦...姐姐係網上講咗每件蛋糕只有14層至20層」老實說, 一個蛋糕要不停煎14次蛋皮, 塗14次忌廉...若果是我, 一早叫救命, 放棄了.
抹茶芝士千層蛋糕 $32
LamLamLi
地址: 太子界限街12號A2舖
Whatsapp: 62117531
(平日可預留, 周六, 日除外)
時間：1pm-7pm（逢星期一休息）
註：原個千層蛋糕需2-3星期前預訂, 每日供應約40份切件蛋糕
大仁生活facebook
沒有留言:
張貼留言