對於SOGO為何無端端有一個韓國節呢? 這當然是吸金的名目...我沒有興趣去深究, 我只想知要不要排長龍.
結果, 臨時搭建出來的Pop-Up Store, 位置有限, 龍尾要屈入後巷, 幸好, 由排隊到成功購買, 也只需約15分鐘.
長形的多士店, 一共有約10名員工, 每人分工負責一個工序, 一位煎薯餅, 一位煎火腿/煙肉, 一位煎蛋, 兩位造麵包, 兩位包裝...
她們非常合拍, 全部人員也磨打手上身, 忙過不停.
我問其中一位正為多士塗醬的店員:「你搽嗰D係咩醬?」, 店員:「Isaac醬, 即係秘製蜜糖醬, 甜甜地嘅」
我問SY:「三款多士, 你想食邊一款?」, SY:「雙重芝士薯餅啦, 佢寫住港澳首發喎」
於是我揀了火腿Special 多士...SY:「三款都係$45蚊喎...每日限量1000件, 爸爸, 我哋會唔會買唔到呢?」
其實, 目測都只有約30人, $45一件三文治吸的引力應該暫時未巨大得會出現「被KO」吧!
翻新後的SOGO沒有進食的位置, 結果我們走到對面銅鑼灣地帶試食...我的火腿Special 有椰菜絲, 方形蛋, 芝士, 長青瓜份量似較SY的多.
而小朋友的雙重芝士薯餅, 雖然只有薯餅及芝士, 但沙律醬及Isaac醬很新, 很甜, 我覺得味道配搭得較我的火腿Special更"正"
SY:「可能你個多士太多料, 所以食唔到啲Isaac醬」, 我:「其實一件多士$45蚊都幾貴, 一塊薯餅頂多都係10蚊雞...」
SY:「韓國食好平嘅咩?」, 我:「我都唔知...有機會我哋去睇吓囉, 頭先排隊D人話韓國食過, 大份D喎」
註: 晚上9時半人龍已經減至約5-6人, 店內仍然有多士出售!!
SOGO韓國節
日期： 6月7日至20日
營業時間： 上午10時至晚上10時
地址：銅鑼灣SOGO B2 地庫
主辦單位 facebook 專頁：韓食快閃 K-food Pop Up
攤位只提供3款口味: 火腿Special 、 煙肉Best，以及(港澳地區首發)雙重芝士薯餅多士, (限量1000件/日, 每日限買三件)
大仁生活facebook
沒有留言:
張貼留言