2017年5月15日 星期一

【亂玩亂食】Sogo地庫~邪惡士多啤梨們

上月尾, Sogo地庫超市大裝修以來, 我還未有時間帶阿太及SY來逛逛, 於是昨天便再次走來新地庫亂行亂食.


一從地鐵站走到上Sogo, SY大叫:「嘩! 咁多人?」我:「可能裝修完個地庫, 好多人嚟食日本嘢」



阿太:「唔係呀! E度寫<崇光感謝周年慶>, 真係好似行年宵一樣咁多人」(好恐怖!)


就在華御結, 我見到有大大粒士多啤梨大福, 我:「阿太, 有你最鍾意食嘅嘢, $26不如買嚟試下」(阿太:好吖)


我跟SY說:「不如我哋試吓搵吓, 仲有冇其他士多啤梨甜品囉, 一齊玩嚟試」


SY:「我想買E個朱古力士多啤梨」 這個Godiva的甜品, 有分6粒細 $80, 及 大2粒士多啤梨 $90
我:「你都幾識食架喎...」, SY:「上次我哋去扭蛋食雪糕, 我認得E個D字頭朱古力雪糕呀!


之後, 我們再到龍島揀了柚子忌廉芝士杯 ($42), 及一盒 Let's Celebrate 岩鹽士多啤梨薄脆朱古力 ($169)


SY:「藍色隻杯都唔係士多啤梨, 爸爸都買??」, 我:「隻杯好似好靚咁吖麻」, 阿太:「你又唔識煮嘢食, 又學人儲杯, 你估你係豬仔媽咩?」(你咪理啦)

臨走前, 阿太:「其實, 我哋買$79.8大大盒士多啤梨返屋企, 自己吱D朱古力上面, 一定平過Godiva多多聲...」


我:「咁係邊度買朱古力醬呢?」, 阿太:「我都唔知, 不如買嚟就咁食算啦...我見好多人都買喎」(本著不蝕抵心態, 我當然都買返一盒嚟試)


當日的士多啤梨下午茶非常豐富, 阿太二話不說先來華御結大福, 之後便大叫:「嘩!大福D皮仲厚過我D腳皮呀!」


我:「大福唔係不嬲都係咁嘅咩? 但係佢入面個士多啤梨好甜喎」, 阿太向SY說:「你要唔要食下我D腳皮呀?」


SY:「媽媽D腳皮都幾好食喎」... 阿太問SY: 「柚子忌廉芝士杯 會唔會太酸? 」, SY :「無酸, 好食, 仲有個柚子小啫喱添」


阿太:「一定要連埋底嗰D蛋糕一齊食就好D, 因為只係食上面D柚士Cream好酸」不過, 其實柚子併芝士的味道, 原來很夾很好味道.


之餘, 附有一個小金鎚的Let's Celebrate 岩鹽士多啤梨薄脆朱古力... SY一早已虎視眈眈:「畀我試吓玩, 畀我試吓玩」


不過, 我估計應該要先將朱古力餅放入雪櫃, 將它冷凍變硬才用金鎚敲碎才是正確. 因為集我們三人之力, 怎敲怎打, 朱古力也沒有任何變化.


SY:「扑極都扑唔碎嘅?」, 阿太:「不如成塊食啦...」


粉紅色岩鹽, 配上藍莓、士多啤梨、提子乾果, 還有南瓜籽, 中層有焦糖脆脆夾心, 口感是很不錯, 不過$169就有少少貴.... SY:「唔係吖, 好好食, 又好玩」(你都唔駛錢, 梗係好玩啦)


而Godiva的朱古力士多啤梨, 阿太則讚不絕口:「好食, 朱古力味又香, 酸酸甜甜, 真係一流」


其實, 以朱古力來說就一定無得輸, 不過士多啤梨又不及華御結的甜, 可能美國士多啤梨都是差不多.


而全Sogo最多人買的長柄士多啤梨, 同樣是來自美國, 情況亦是半甜帶酸...阿太:「$80蚊唔駛, 有15粒咁鬼大粒, 少少酸都正常啦, 食兩粒我都飽晒, 都算抵喇」


大仁生活facebook

沒有留言:

張貼留言