2017年5月9日 星期二

【創意擘包包】文青小店~搞鬼心機自家包 @ET陪住你

上兩個星期, SY很高興走來告訴我:「爸爸! 很面街開咗間新餐廳呀!!」, 於是, 那天的午餐, 我們又有新著落.


一走到新餐廳, 哦! 原來之前也有來過前一手的仿台式Cafe...2年間轉了兩手, 如今由台式變得更文青.


其實我很怕到Cafe吃All Day Bbeakfast, 很悶又沒有吸引力, 但原來這裡主打吃包.


負責人說:「我們D包全部都係自己整架...」, 不是入嘉頓的包, 感覺很加分. 我問:「有邊款最推介呀?」


負責人:「咕嚕雞 $62 , 我哋D醬汁用蕃茄, 紅椒, 洋蔥溝出嚟, 扮到好似咕嚕肉」


即叫即炸的雞肉, 店員端上枱時還不斷冒煙, 一熱遮三醜, 更何況配合自家烘焙的麵包, SY:「嘩!塊菠蘿好大塊呀!」


一致通過, 好食! 微微的輕辣汁, 配甜甜酸的菠蘿, 雞又炸得香脆, 真的很好味.


之後, 是店員推介的鬼佬西多士 $66, SY偷偷試了一口白色忌廉說:「爸爸! 你食吓」(之後還要嘴角偷偷地笑)


我試後感到奇怪....:「酸嘅? 乳酪嚟!」, 小朋友明知我不愛吃乳酪, 所以整蠱了我非常高興.


SY:「乳酪配E個蛋糕好好食呀!」, 我:「姐姐話E個唔係蛋糕, 都係佢哋每日新鮮整嘅麵包...」


不得了...這裡的麵包真的好味道, 鬼佬西多士的包外層脆, 內裡暖笠笠, 我:「如果可以揀雪糕換走乳酪就更加好」


SY:「我鍾意乳酪夠健康」, 阿太:「好食就好食, 但好細份, 唔好話鬼佬, 我都唔夠喉」


於是, 我們再點了陀地西多士$66. 同樣的麵包底, 但今次沒有了香蕉, 沒有了乳酪, 換來一層花生醬味的Frozen Mousse及焦糖.


我:「得意喎...扮晒茶餐廳西多士, 不過係凍嘅」, SY不停吃Frozen Mousse說:「好似雪糕呀」


阿太:「我鍾意鬼佬多D, 因為花生醬我麻麻地」, SY:「我鍾意食陀地, 因為我唔鍾意食生果(蕉)」


臨走前, 我指著ET問SY:「你知唔知佢係邊個呀?」, SY:「E隻長頸蟹好怪, (佢叫ET, 30年前好紅架), 我見呀!佢隻手指好紅呀」(囝...ET Phone Home 好好睇架)


包販子
地址: 太子通菜街254號地下
時間:12:00 - 22:00


大仁生活facebook



沒有留言:

張貼留言