話說我由「信和」步行至「現時點」, 每次也走咸美頓街電力站的小巷捷徑, 前日就給我發現新大陸~外牆裝修成鮮黃色美食車的小食店.
SY:「爸爸...有雞蛋仔食喎...仲平Unlce
Fong $1蚊添」, 我答:「好多地方都賣得好平, 但好難食呢!」
SY:「但係我好肚餓喎」, 我:「不如試下佢哋個$28
蚊 原味梳乎厘班戟, 我就試$40蚊個白朱古力味啦!」
開放式的偽美食車有一個好處, 就是可以讓食客看著整個食物製作過程.
原來, 梳乎厘班戟是這樣做的,
我:「要冚實佢嚟焗喎」,
SY:「可能咁樣會快D熟...(我:可能唔想畀你睇到就真)」
我的 班戟 注入半透明的朱古力醬再加入花生, 但以賣相來說, 阿囝的原味有一個大大忌廉更加吸引.
老實說, $40元的多了兩層口感, 味道又豐富過原味, 不過, 貴$12的話, 我情願選擇原味...
負責人Ray聽到便向我解釋:「因為個朱古力醬, 我哋真係用朱古力磚打成, 而且一定要有人手不時要攪動,
否則就會唔用得, 而我哋留過夜又會變壞,
所以個成本就貴咗D囉」(哦! 你唔講真係唔知)
八卦的我當然不放過打爛沙盤的機會, 我問:「點解你會諗到裝修成一架美食車呢?」
Ray:「我以前係美國讀書, 成日都食當地賣地道嘢食D美食車, 咁 4, 5 年前我就想自己開返一間賣香港地道小店, 所以儲到錢, 米扮返美國美食車嘅裝修, 賣香港地道雞蛋仔, 格仔餅囉」
Ray:「其實, 我之前係低調高手到做, 成機偷師, 後來大家做咗朋友, 佢哋又教我好多技巧, 所以E家到我開, 我會加入自己嘅口味, 最主要係大家朋友, 唔可以抄人嘅」
我本來不太愛吃鹹味的雞蛋仔, 但Ray強烈推介我芝士雞蛋仔($20), 及紅豆抺茶雞蛋仔...我最討厭便是紅豆, 那就試一底芝士味吧!
Ray:「我哋用Mozzarella芝士, 鬼佬D啦...我之前試咗成千底, 先試到啱比例, (你好鍾意食芝士?), 係外國...乜鬼都加芝士架啦, 所以咪鍾意囉!」
在毫無期望下, 一口咬入雞蛋仔...嘩! 勁香的芝士味...少少的鹹伴著蛋香...我:「唔止得意, 簡直好得...真係無諗過咁得!」
SY:「係呀! 好好食...原來加咗D芝士咁好食...頭先我仲以為好鹹唔好食添」, 而且焗出芝士的焦散在雞蛋仔上面, 好靚呀!
(阿Ray你好Fit喎!) Ray:「我搞咗E間舖半個月, 足足瘦咗15磅 , 個個朋友最初都勸我唔好攪, 我之前都以為好易...點知真係壓力咁大...」(原來想瘦身做生意就得喎)
後記: 阿Ray不時有試食環節給街坊, 這是值得一讚....(唔試唔知真係好, 師承低調高手果然名不虛傳)
am.pm
地址: 彌敦道560譽發廣場地下B舖
電話: 2725 4318
大仁生活facebook
沒有留言:
張貼留言