2017年5月18日 星期四

【毛毛雨好去處】去足三次~終於畀我影到塊鏡@西環

西環「天空之鏡」, 一個已經被人介紹到「爛」的地方, 就連SY知道要再去, 已經說:「吓? 又去?


沒有辦法吧! 誰叫你有一個硬頸的父親呢? 我說:「我哋E年去咗2, 地下一粒鏡碎都搵唔到, 今日落毛毛雨...同爸爸去啦」


西環西區公眾貨物裝卸區碼頭, 其實, 由香港大學站B出口, 沿士美菲路一直向海傍方向行是最近的...


不過, 去年我們330第一次是經由堅尼地城站, 往城西道巴士總站的入口入, 自此三次也是這樣進入.


SY:E個閘好刺激..., :「你第一次又唔敢入喎!, 因為要跨過一個近似危險的大閘...但其實, 一點也不驚險. SY:「我第一次以為好驚呀!


因為沿堅尼地城入, 我們可以看得更多有趣的拍攝位置...例如, 可以看到釣魚的朋友在專注垂釣.


宏偉的竹欄整整齊齊排列出層次分明的扮文青拍攝靚景!


粗糙的石油氣筒一樣可以很有藝術色彩.


還可以離遠, 隔岸望去「天空之鏡」的全境面貌... 


這條轉入西區公眾貨物裝卸區前的長長行人路, SY可以自由亂跑的地方.


轉入天空之鏡前, 會有三個被塗鴉了的大貨櫃, Like無難度. 很有經驗的SY:「我唔會行埋去㗎...有個老鼠籠嘅, 一定有老鼠」(個籠吉㗎!!)


正式進入天空之鏡範圍, 老實說, 我曾經有一刻想過帶一個水桶來, 走到塗鴉大貨櫃旁的公廁, 盛滿水帶到碼頭盡頭, 自製天空之鏡.


當然最終又懶又不想教壞阿囝而放棄了...不過, 三次的經驗告訴我, 如果不是整天下著毛毛...千萬不到走來影相.


因為跟本不會有任何的鏡面出現.


今次, 毛毛雨的下了大半天, 我終於可以如願以償...就連SY也大叫:「真係有鏡呀!


其實聞説2015政府曾派出工程車將路面凹凸不平地方填平了, 所以, 現在雨後形成的水窪面積小得可憐.


唯有找朋友「低抄」幫幫忙...總叫做影過有鏡的西環吧!


3月中, 大大風, 17度的氣溫, 為了一幅相, 真的感謝同行的朋友, SY, 及阿太...大家也被風吹得鼻水長流.


SY:「爸爸! 終於影咗塊鏡啦...咁以後係米唔駛嚟啦..., :「無錯! 但香港仲有好多塊鏡, 我哋可以去專心影其他鏡啦」, SY:「吓??


地址:西環貨運碼頭西區公眾貨物裝卸區
交通:港鐵香港大學站 B2 出口, 沿士美菲路向海傍方向步行約 15 分鐘



大仁生活facebook


沒有留言:

張貼留言