因為, 我被樓下寫著"鮮製烏冬"的易拉架所吸引, 所以來新店一試. 果然很有日系風格裝修又夠常簡約, 而店員手持大麵團正在放入機械製作烏冬.
負責人阿Wing 曾三次走到日本拜師學造烏冬, 她說:「你如果有機會都可以去四國的香川縣, 因為當地烏冬非常出名, 百幾間舖頭都係食烏冬」
未點食物, 店員先端來三杯每天煲足5小時的不含味精的鰹魚湯給我們試, 絶對清, 純, 香, 鮮...不得了
堅持每朝煲煮鰹魚湯而不用味精魚湯, Wing說:「我哋都有畀供應商笑, 咁辛苦又唔夠味精咁好味...但我哋過唔到自己個關, 飲完真係會好口渴呀!」
Wing:「你哋想食熱烏冬, 定係冷烏冬?」, 阿太:「我最鍾意食冷... (我:哎呀! 我一定食熱嘅)」
Wing:「其實, 烏冬食凍最易睇得出碗烏冬得唔得, 就似你去大排檔要睇大廚功力一定叫炒河, 而我哋嘅烏冬只有麵粉, 水, 鹽,熟成24小時, 就會成為煙煙韌韌嘅烏冬」
本來, 阿太想點海苔竹簾係冷烏冬, 但原來是限定, 當晚已售罄, 所以她便揀了簾係冷烏冬(單點$35, 配天婦羅$82).
SY一口搶了冷烏冬放入口...阿太扮專家口吻認叻說:「咁食法係錯嘅, 你要夾少少放入由芝麻、蔥、薑、Wasabi混成的醬汁食呀」
剛剛有一對日本人來店吃烏冬...還很日式的吃到「殊殊」聲, SY:「咁大聲係無禮貌喎」,我:「日本食烏冬要殊殊聲先代表好食, 專重廚師呀」
我的鰹魚湯白味噌鍋仔燒粗烏冬(單點$68 配骨付雞 $101), SY:「點解無平時食嘅烏冬咁腍嘅?」
這個讃岐風的烏冬, 店員說:「部機係日本人專為讃岐手打烏冬口感而製, 雖然出嚟質感差唔多, 但我哋唔可以叫手打, 只可以叫讃岐風」
手打烏冬一向比較煙韌, 但一定沒有平常的腍, 雖然很重麥香味, 但小朋友看來有少少嫌棄...SY:「我都係鍾意食吉野家嗰D」(真係差得遠啦)
阿太問:「你哋食完冷烏冬有冇愛上呢?」, SY搖搖頭, 我答:「食唔慣冷麵, 冷烏冬, 而且我覺得熱食先有滿足感.
Wing還將日本學回來的手打烏冬技巧帶到店舖, 每月定期舉辦手打烏冬工作坊, 阿太:「我之前去日本交流都有玩過, 用腳踩好得意...我都想玩」
Wing:「要Book喎, 今晚無開班, 下次你哋嚟試吓玩吖」
鰹烏冬 Katsuo Udon
沒有留言:
張貼留言