今晚走到深水埗酒樓家庭聚會, SY說:「爸爸...酒樓你都要影? 」, 我:「跟我嚟啦, 有好嘢玩就要影啦」
SY:「點解今晚我哋要咁早食飯呢?」, 其實真的破天荒, 因為6時便吃晚飯, 我答:「因為爸爸想食乳豬, E度話無得訂, 又話限量, 我驚賣晒, 所以早D嚟囉」
女店員:「係呀! 早D叫就包保一定有...」, 男店員:「我哋每晚有大約40隻, 點會咁快賣晒吖」女店員:「賣晒就賣晒架啦, 好難講囉」(其實, 佢哋唔知係米不和呢?)
因為要有9人才可以點全隻乳豬, 我們只有7人, 唯有要半隻...SY說:「爸爸...乳豬有咩特別啫?」
除了特別便直(平日)半隻$88, 對面的酒樓半隻也要$218. 而且, 最賣點便是可以自己乳豬自己剪.
SY:「好玩呀! 我要剪, 我要剪」上枱的乳豬真的熱辣辣,
而且燒得非常香噴噴!!
每枱附有一張剪乳豬教學...我對小朋友說:「說明書講...第一步:沿豬耳背將豬頭與豬身分開」
SY:「說明書寫豬頭係鴻運當頭, 要帶返屋企?」, 我:「佢硬係咁講啦, 無人食, 佢又要想留咁多垃圾係度要清理吖麻」
第二步: 沿豬頸剪向豬尾, 將豬垂直分開... SY:「中間好難剪, 有一舊骨, 爸爸你嚟啦」
第三步:將豬身剪成約一吋的細段，即可進食, 當我們一邊剪, 一邊傳來陣陣燒豬的肉香,
我也忍不住偷吃了一口.
SY說要獨自剪一邊...結果, 他真的可以很專心的完成1/4隻豬, 看來他也覺得剪乳豬遊戲很不錯喎!
我:「自己剪特別好食....同埋偷食都一定係特別好食嘅」, 見我偷食, SY又跟我吃了一口說:「D皮真係脆岳岳, 好好食」
家母:「估唔到E間酒樓都幾多人食喎...」, 我:「米係囉...總知頭先叫乳豬嗰陣叫埋個冬瓜盅啦...7點咁鬼早就無晒」
龍寶酒家
地址： 深水埗元洲街280-288 號地下
電話： 2626 0808
六位起只叫半隻，九位起才可叫全隻
平日: ($88/半隻 $168/隻) 假日: ($113/半隻 $218/隻)
大仁生活facebook
沒有留言:
張貼留言