我們相約銅鑼灣鬧市WTC等。。。心想:「世貿商場點樣行過對面炮台位呀?」。。。
世貿商場有秘道通過對面? 不是說笑吧?? 兩仔爺心情突然興奮X1000。。。哎呀!! 「隱世」秘道原來就在商場面向告士打道的出口左手邊。。。
魚子媽:「拍片好開定機喇。。。左邊後巷。。。(5步左右。。。), 就係E個通往停車場嘅門, 行入去一直行就可以過對面午炮及遊艇會」(嘩!真係大開眼界。。。)
我們一邊尋幽探秘, 我一邊問自己:「其實, 我係咪香港人, 點解會唔知有條咁攪鬼嘅地底通道呢?」
秘道不用3分鐘路程, 我們己順利穿過告士打道, 到逹午炮旁碼頭, 準備乘坐舢板到斜對面燈塔。
我問:「唔駛BOOK船咩?」魚子媽答:「是旦見舢板問一問就得」
結果, 今次我們出海遇貴人, 船家姨姨只收我們每人$10, 船程也只約5分鐘, 兩大兩細開開心心影影相, 就已經到岸。
第一次走到這避風塘堤壩燈塔, 簡直如同世外桃園, 小朋友們大叫:「嘩! 好靚呀!!」, 魚子媽說:「海角7號咁呀。。。」
心曠神怡的海景, 前面是尖咀, 左手邊是iFC, 摩天輪。。。忽然很有大地在我腳下的感覺。
堤壩盡頭的白色小燈塔, 絶對充滿電影感, 斜陽伴晚風。。。心情和諧得似聽2千老歌再重聚, 小朋友興奮的不停在堤壩上跳來跳去。。。
很難才找到小朋友陪我合照。。。因為阿囝不知日落日出的意義, SY:「一陣先影啦, 我想同子子玩草」(石隙啲雜草都可以玩一餐??)
我們大約影了40分鐘, 魚子媽說:「差唔多7點, 就嚟日落啦。。。前面隻大船阻住晒, 我哋轉去隔離個沙灘仔影啦, 無咁阻」
原來, 堤壩後方的小沙灘, 已經一早有數位龍友架好腳架, 不停影影影。。。
潔癖仁從不單獨帶SY去沙灘, 所以, 今日SY在沙灘玩到傻, SY:「好多貝殼呀! 爸爸。。。我想執佢哋返屋企, 你有冇膠袋?」(你袋住衫袋先, 我無袋)
SY:「爸爸。。。個貝殼入面有生物!! (係米異形呀??田螺??)。。。哎呀!會郁架。。。唔要啦。。。我都係唔要D貝殼喇」(好呀!好呀!)
之後兩位小朋友就在日落下。。玩沙, 樹枝寫字, 嘻嘻哈哈走來走去。 日落過後, 天空浮雲會變成艷紅色, 龍友們又不停努力按動快門。。。。天很快便轉黑。。。所以約7時半, 應該是離開的最好時機。
剛才船家姨姨教路:「回程唔駛坐船, 你燈塔行到尾, 經遊艇會就可以走返出銅鑼灣」
原來, 現場的龍友哥哥一指, 只要在沙灘的幾級樓梯往下, 停泊了大量遊艇的停車場一直行, 不用3分鐘, 便已經出到更亭, 而這正正就是海底隧道入口。
沿左手邊, 繞過海底隧道, 單一道路, 又有指示牌, 大約5分鐘路程, 我們就回到午炮的位置。。。SY:「可唔可以入去玩呢?」
我:「下次再帶你來睇午炮啦。。。E家不如醫肚先。。。8點好肚餓啦!!」日落之旅大成功。。。 Yeah!! Yeah!!Yeah!!
<<拍攝於2016年6月22日>>
大仁生活facebook
喜歡!!
回覆刪除多謝你
刪除