【邪惡商廈】超抵拉芝烤雞 $68 @ 觀塘

觀塘開源道有一大特色, 便是行人路旁有一列「易拉架」牆, 正因為日子有功, 舊的多是被曬得白白的, 新上場的一睇便看得到.

上星期, 我又發現新易拉架登場, 每逢有新架, 又即代表有新食肆登場...今次是商廈玩日韓系大混戰.

 

新食肆應該還不是有太多人知道, 所以全晚只有4枱人客...老闆可能不太高興, 但對於我來說當然更加好...簡直如同包場一樣吧!

我們先來一份芝士果醋醬烤雞 $68, 店員端上熱爐, 一邊幫我們處理烤雞, 一邊問:「隻雞都幾辣嘅, 小朋友怕唔怕?」

一聽到辣字, SY即時口震震:「好辣架?」哥哥給他一份芝士雞, 小朋友嚐了一口即時大叫:「好辣...好辣...水...水」

店員哥哥很好人, 即時為他找來一杯冰水...SY呷了一大口:「好彩有杯冰水咋...唔係我真係辣到噴火」

老實說, 雞配了果醋很香, 芝士混了甜甜酸酸的味道, 再加入大約3-4度的辣味, 即使我不吃得辣, 也覺得這碟芝士拉雞好好食.

SY一邊食年糕一邊說:「我唔覺得係3-4度(辣), 我覺得好似90度呀!」(辣...但點解你又不繼續食呢?)

之後的流心芝士千層黑豚$86, 就是我在易拉架看到, 吸引我過來的原因...我們跟足宣傳海報切下去...

當然, 釀入的芝士便慢慢的流出來, 我說:「點解人哋幅海報流得咁勁嘅?」

SY:「爸爸...廣告梗係呃人架啦」(這位8歲人仔點解好似咁識嘢嘅呢?)

同樣都是芝士, 但因為這款千層黑豚味道比較單一, 所以配上大量芝士, 感覺有點「漏」.

阿太:「唔係喎, 你點沙律醬都幾好食喎」, 可能芝士烤雞味道比較突出, 所以, 我總覺得黑豚的味道被芝士搶走了.

JK Brother's Food Factory
地址: 觀塘開源道54號豐利中心5樓507室
電話: 3705 9501
開始營業 11:00 - 21:30


大仁生活facebook