【平嘢都咁筍】$5 HMV熱狗 ~ 免費配料任加

昨日, 約了朋友E莉去銅鑼灣, 當我口痕忍不住走到Ikea買熱狗餐醫肚之際, E莉說:「我就係帶你去食熱狗呀! HMV 賣$5蚊咋」

我:「吓? HMV仲平過宜家?」, E莉:「點止呀! 仲可以畀你自己落醬, 個包更高質添」(唔係呀化??)

 

我們走到HMV4樓Cafe水靜鵝飛, 不似有任何特價熱狗的跡象...店員:「2樓間公司, 唔係我哋喎」

原來, 二樓的小店亭真的長期維持5-6人長龍...幾乎人人也問Terry :「$5 蚊熱狗, 同 $12蚊熱狗有咩分別呀?」

Terry一邊忙著弄熱狗一邊答:「$ 5 係法蘭克福腸, 長D幼D ; $12 係加拿大johnsonfield腸, 仲有兩款味道, 可以揀辣味, 或者芝士味」

我問:「你今日答咗幾多次E條問題呢?」, Terry:「無數咁多次啦」

我們揀選了芝士味的$12腸, 旁邊有另一食客跟我說:「我平時就係食間johnsonfield, 超市買$50幾蚊5條, 所以, 本來我想食$5蚊熱狗...E家唔駛諗啦」

$5熱狗只可以自助揀選 : 茄汁、芥末、酸瓜醬、千島醬...

但$12熱狗除了可加入以上款配料外, 更加可以任添粟米、洋蔥、肉醬, 及黃紅椒粒....無懈可撃的抵!

兩款包也會先放入焗爐加熱, 絶對不會似IKEA的冷冰冰, 單單看放滿芝麻暖笠笠麵包, 就已經精神爽利呀.

老老實實, 雖然法蘭克福熱狗腸比較長, 但口感, 內餡, 肉味絶對不及$12的johnsonfield腸, 外脆肉入味, 最最最重要加入肉醬, 粟米, 黃紅椒...

其實$12都可以食得好好好飽.

hmv
地址：銅鑼灣百德新街22-36號名珠城2樓（只限銅鑼灣分店供應）
營業時間：11:30am-9:00pm


大仁生活facebook