網頁

2017年5月1日 星期一

【限定一個月】神戶過江龍~$48心太軟~可以叮埋畀你 @ 半日賣晒 Königs-Krone

話說, 前日經過金鐘太古商場, 甫一上扶手電梯便發現行人通道中央多了一間小木屋...八卦的走入去一看...嘩!原來是賣日本甜品喎!


現場有蛋糕, 曲奇試食, 而甜品怪SY忽然拉實我說:「頭先個姐姐話E個係心太軟嚟架, 好出名架喎, 仲話可以即場幫我哋叮翻熱嚟食...爸爸...買嚟試下啦」


阿太:「E間係神戶好出名嘅洋菓子店嚟架...日劇都有影過呀!」, 上網找資料, 原來1977年創立的.


我們即場請工作人員幫忙叮熱心太軟...工作人員:「5500W叮60秒就得架喇」, 不一回店員端出來的黑朱古力心太軟, 真的滾滾流心喎.


品牌 Königs-Krone,適逢今年創立40週年及神戶港開港150週年,特別嚟香港開期間限定店,多款人氣產品都係由神戶直送到香港!


望著滿到瀉的朱古力漿, 未食已經覺得興奮, SY及我己急不及待的試了一口, SY:「嘩!真係好好食...」


我:「真係好濃, 好香朱古力」, 阿太:「個蛋糕質地仲好鬆軟, 真係唔」, SY:「真係仲好食過樓下松記...」(無得比啦~係咪呀!)


正當阿太想再買多盒回家當宵夜之際...SY:「媽媽!無晒啦...哥哥話要過兩日先會再返」(奇怪, 點解隔離白朱古力心太軟又無人買呢?)


之後, 我們再買了一個朱古力蜂蜜栗子蛋糕$48, 及一個瓷壺裝抺茶蜂蜜栗子蛋糕$148. 我問店員:「其實, 係唔係分別就只係多咗個瓷壺?」


店員:「梗係唔同啦, 瓷壺裝抺茶蜂蜜強糕濕潤D, 我自己就覺得好食D嘅」


阿太問:「其實, 我哋都唔會自己打抹茶, 你買個瓷壺啧嘥唔嘥D呢?」, 我:「唔嘥!你唔覺得個瓷壺好靚, 仲好有文青Feel添」


兩款蛋糕均包含大量粟子, 絶對超出想像的多, SY:「爸爸! 你睇粒粟子...咁大粒喎...呵呵呵」


我:「我個抺茶蛋糕高身D, 而且仲多粟子, 仲有D粟子蓉添, E間舖係米好出名粟子呢?  咁揼本嘅?」


阿太:「D粟子仲要幾好食添喎, 一D都唔差...唔怪知得日本咁紅啦...(你又知紅?)...都話日劇見過有囉, 問完又問」



Königs-Krone Hong Kong
地址:金鐘金鐘道88號太古廣場L1層
限定日期:即日至6月4日


大仁生活facebook

沒有留言:

張貼留言