新界達人E莉說帶我去元朗食新東西...她說:「北海道名物燒布甸(布丁燒)呀!!」(去...去...去!)
我們吃過午餐, 施施然的下午3時走到布甸店...但店員說:「我哋每日12點, 同6點都會出一轉, 可能你哋6點先嚟買啦!」(吓??)
(駛唔駛排隊呢?), 店員笑笑口說:「我唔建議大家排隊, 但通常客人未開門就係門口排定, 唔好意思, 平時我哋每節做125個, 但今日唔夠雞蛋, 只做80個, 所以全日只有原味」
全人手製作的燒布甸, 本來有分原味「四葉芝士味」,「宇治丸久小山園抹茶味」, 及店員力薦的「法國Valrhona朱古力味」... (各$38)
(點解一定要用歐洲雞蛋呢?) 店員:「我哋試勻晒, 歐洲蛋先無腥味, 你一陣食完就會知道個分別喇~」
於是, 我們漫無目的的遊走元朗,
打發2小時的光陰, 到17:30回店....我:「嘩! 原來前面已經有13人啦...」
店員一邊派籌一邊說:「無問題, 我哋每人限買4個, 你一定買到嘅~」結果, 當然如願以償...可以在店內的一個小小文青角落食布甸.
E莉問店員:「點解要燒個貓頭鷹圖案上去呢?」, 店員:「E個係日本代表幸福, 我哋叫小確幸麻」
店員示範....食布丁前, 要搖兩搖, 搖兩搖, 目的讓焦糖汁滲入布甸...
之後Upside Down倒轉出來, 布甸就可以更順「破杯而出」出.
嘩!! 原來震騰騰小布甸, 上層有滑嘟嘟雞蛋, 下層就是芝士蛋糕...
我:「其實, 布甸都一樣滲滿芝士味...一個價錢兩種口感...不得了」
店員問我:「好食嗎?」, 我一邊食一邊答:「好香, 又唔會太甜, 可惜細個咗D囉」
店員:「其實, 我哋用D四葉芝士都唔平, 3百幾蚊芝士都係做得十杯」(唔難得知芝士味咁濃啦)
小確幸 (布丁燒)
地址:元朗馬田路50號朗景臺地下12號舖
營業時間: 12:00 - 21:00
出爐時間:12:00 及 18:00
(逢星期一休息)
大仁生活facebook
沒有留言:
張貼留言